andhrapradesh
ఏపీలో ఎస్ఐఆర్ ప్రక్రియ మరోసారి పొడిగింపు..
అమరావతి:ఆంధ్రప్రదేశ్‌లో జరుగుతున్న ఓటర్ల జాబితా ప్రత్యేక సమగ్ర సవరణ (SIR) ప్రక్రియ గడువును కేంద్ర ఎన్నికల సంఘం (ECI) మరోసారి పొడిగించింది. తొలుత ప్రకటించిన షెడ్యూల్ ప్రకారం ఈ నెల 16న విడుదల కావాల్సిన ఓటర్ల తుది జాబితాను ఈ నెల 30వ తేదీకి వాయిదా వేసింది.
ఓటర్ల నుంచి వచ్చే క్లైమ్స్, అభ్యంతరాలు మరియు నోటీసుల పరిశీలన, పరిష్కార గడువును ఈ నెల 22వ తేదీ వరకు పొడిగిస్తూ ఎన్నికల సంఘం తాజాగా ఉత్తర్వులు జారీ చేసింది. క్షేత్రస్థాయిలో దరఖాస్తుల పరిశీలనకు మరింత సమయం పట్టనుండటంతో ఈ నిర్ణయం తీసుకున్నట్లు తెలుస్తోంది.
