ఎన్నికల వ్యవస్థను కాపాడాలని సీపీఎం ర్యాలీ

అనంతపురం బ్యూరో

ఎన్నికల వ్యవస్థను కాపాడాలని సీపీఎం ర్యాలీ

అనంతపురం: 

ఎన్నికల వ్యవస్థలో పారదర్శకత, స్వతంత్రతను కాపాడాలని డిమాండ్ చేస్తూ సీపీఎం అనంతపురం నగర కమిటీ ఆధ్వర్యంలో ర్యాలీ, బహిరంగ సభ నిర్వహించారు. నగరంలో చేపట్టిన ర్యాలీ అనంతరం టవర్ క్లాక్ వద్ద సభ నిర్వహించారు.

ఈ సందర్భంగా సీపీఎం నాయకులు మాట్లాడుతూ భారత ఎన్నికల ప్రధాన అధికారి జ్ఞానేశ్ కుమార్ రాజీనామా చేయాలని డిమాండ్ చేశారు. రాజ్యాంగ సంస్థలపై కేంద్ర ప్రభుత్వ జోక్యాన్ని వ్యతిరేకించాలని కోరారు. ఎన్నికల కమిషన్ నియామకానికి సంబంధించి సీజేఐతో కూడిన కమిటీ విధానాన్ని పునరుద్ధరించాలని, ఎస్‌ఐఆర్‌ ప్రక్రియను నిలిపివేయాలని డిమాండ్ చేశారు.

ఎస్‌ఐఆర్ పేరుతో ఓటర్ల జాబితా నుంచి తొలగించిన ఓటర్లను తిరిగి చేర్చాలని కోరుతూ కేంద్ర ప్రభుత్వానికి వ్యతిరేకంగా నినాదాలు చేశారు. ఎన్నికల ప్రక్రియలో ప్రజల హక్కులు, ఓటు హక్కును పరిరక్షించేందుకు ఉద్యమాన్ని కొనసాగిస్తామని నాయకులు తెలిపారు.