ఎన్నికల విధులు అప్రమత్తంగా నిర్వహించాలి

ఉదయగిరి, మేజర్ న్యూస్ :  ఈనెల 29న జరిగే గ్రామ పంచాయతీల ఎన్నికలను ఎన్నికల నిర్వహణ అధికారులు అప్రమత్తంగా నిర్వహించాలని ఎంపీడీవో సుకుమార్ పేర్కొన్నారు. శుక్రవారం స్థానిక మండల పరిషత్ కార్యాలయంలో పంచాయతీ ఎన్నికల నిర్వహణపై స్టేజ్-1 రిటర్నింగ్ అధికారులు, పంచాయతీ కార్యదర్శులతో సమీక్షా సమావేశం నిర్వహించి ఎన్నికల విధివిధానాలు, బాధ్యతలపై పలు సూచనలు, సలహాలు అందజేశారు. అనంతరం ఆయన మాట్లాడుతూ పోలింగ్ కేంద్రాల్లో ఉద్యోగులు, ఓటర్లకు ఇబ్బందులు తలెత్తకుండా అన్ని వసతులు కల్పించాలన్నారు. ఎన్నికల కమీషన్ ప్రవర్తనా నియమావళిని అనుసరిస్తూ విధులు నిర్వహించాలన్నారు. ఎన్నికల ప్రక్రియ ప్రశాంత వాతావరణంలో ముగిసేలా ప్రతిఒక్కరు సమష్టిగా కృషి చేయాలన్నారు. నామినేషన్ల ఘట్టం, ఎన్నికల ప్రక్రయను పకడ్బందీగా నిర్వహించారు.