ఎన్నికల ఏర్పాట్లలో అధికారులు

ఉదయగిరి, మేజర్ న్యూస్ :  మండలంలో రెండో విడత పంచాయతీ ఎన్నికలు నిర్వహిస్తుండడం, ఈనెల 16 ఎన్నికల కమీషన్ నోటిఫికేషన్ విడుదల చేయనుండడంతో అందుకు తగ్గ ఏర్పాట్లను అధికారులు ముందస్తుగా సిద్ధం చేస్తున్నారు. అందులో భాగంగా శనివారం స్థానిక మండల పరిషత్ కార్యాలయంలో ఎంపీడీవో సుకుమార్ ఆధ్వర్యంలో పంచాయతీ కార్యదర్శులు, సిబ్బంది నామినేషన్ కు సంబంధించి ఇతరత్రా పత్రాలను సిద్ధం చేస్తున్నారు. మం డలంలో మొత్తం 17 పంచాయతీల్లోని 160 వార్డుల్లో 30,577 మంది ఓటర్లు ఉండగా 160 పోలింగ్ కేంద్రాలు ఏర్పాటు చేశామన్నారు. ఎన్నికలు ప్రశాంత వాతావరణంలో జరిగేలా అందరూ సహకరించాలన్నారు. ఈ కార్యక్రమంలో డిప్యూటీ ఎంపీడీవో కరీముల్లా, సిబ్బంది తదితరులు పాల్గొన్నారు.