ఎంపీపీ రేసులో చండ్రా మధుసూదన్‌రావు

వరికుంటపాడు, ,మేజర్ న్యూస్ :   మండల ఎంపీపీ అభ్యర్థిగా ప్రస్తుత టీడీపీ మండల కన్వీనర్‌, మాజీ ఏఎంసీ చైర్మన్‌ చండ్రా మధుసూదన్‌రావు పేరు వినిపిస్తోంది. తాజా రిజర్వేషన్ల ప్రకారం ఎంపీపీ స్థానం జనరల్‌ కేటగిరీకి కేటాయించడంతో ఆయన పోటీకి సిద్ధమవుతున్నట్లు తెలుస్తోంది. స్నేహశీలిగా, అందరినీ కలుపుకొని ముందుకు సాగే నాయకుడిగా పేరున్న మధుసూదన్‌రావుకు మండలంలో మంచి గుర్తింపు ఉంది. ఆయన ఎంపీపీ అభ్యర్థిగా బరిలో నిలిస్తే విజయం సాధించే అవకాశాలు మెండుగా ఉన్నాయని పలువురు అభిప్రాయపడుతున్నారు.