ఏకేపీఎల్ కు అవార్డుల పంట.

 ముత్తుకూరు,  మేజర్ న్యూస్ :  అదానీ కృష్ణపట్నం పోర్టు లిమిటెడ్ కు అవార్డుల పంట పండింది. వివిధ విభాగాల్లో 15 అవార్డులను ఏకేపీఎల్ గెలుచుకుంది. తిరుపతిలో క్వాలిటీ సర్కిల్ ఫోరం ఆఫ్ ఇండియా  నిర్వహించిన 12వ వార్షిక కన్వెన్షన్ ఆన్ క్వాలిటీ కాన్సెప్ట్స్ లో అవార్డులు గెలుచుకున్నట్లు ఏకేపీఎల్ సి ఈ ఓ జగదీష్ పటేల్ సోమవారం తెలిపారు. ఏకేపీఎల్ ప్రతిష్టాత్మకమైన ఉత్తమ పరివర్తన సంస్థ అవార్డుతో సత్కరించబడినట్లు పేర్కొన్నారు. తొమ్మిది బంగారు అవార్డులతో పాటు ఒక వెండి అవార్డు, వివిధ విభాగాల్లో మూడు వ్యక్తిగత అవార్డులు, ఒక ఉత్తమ ప్రదర్శన అవార్డును పొందామని సీఈఓ అన్నారు.