ఎర్రగూడూరులో రూ.15.60 లక్షల నగదు పట్టివేత

పాములపాడు మేజర్ న్యూస్: పాములపాడు మండల పరిధిలోని ఎర్రగూడూరు గ్రామంలో రూ.15 లక్షల 60 వేల నగదును పోలీసులు స్వాధీనం చేసుకున్నట్లు ఎస్సై తిరుపాలు తెలిపారు.

ఎన్నికల సంఘం, నిబంధన ప్రకారం  ఉన్నతాధికారుల ఆదేశాల మేరకు ఎర్రగూడూరు గ్రామానికి చెందిన శ్రీనివాస్ గౌడ్ ఇంటిలో పోలీసులు సోదాలు నిర్వహించగా రూ.15,60,000 నగదు లభించినట్లు ఎస్సై వెల్లడించారు. నగదుకు సంబంధించి తగిన వివరాలు లేకపోవడంతో దానిని స్వాధీనం చేసుకున్నట్లు తెలిపారు.

ఈ సందర్భంగా ఎస్సై తిరుపాలు మాట్లాడుతూ ఎన్నికల నియమావళి అమల్లో ఉన్న నేపథ్యంలో రూ.50 వేలకుపైగా నగదును సరైన ఆధారాలు లేకుండా తీసుకెళ్లినా, నిల్వ ఉంచినా నిబంధనల ప్రకారం చర్యలు తీసుకుంటామన్నారు. స్వాధీనం చేసుకున్న నగదును తదుపరి చర్యల నిమిత్తం ఆదాయపు పన్ను శాఖకు అప్పగిస్తున్నట్లు పేర్కొన్నారు.

ఈ తనిఖీల్లో జూనియర్ అసిస్టెంట్ మహేష్, ఏఎస్ఐ యేసయ్య, హెడ్ కానిస్టేబుళ్లు రామేశ్వరరావు, రమణ తదితరులు పాల్గొన్నారు.