ఈవీఎం గో డాన్స్ పరిశీలించిన జిల్లా కలెక్టర్ కీర్తి చేకూరి

నేటి దినపత్రిక సూర్య బ్యూరో రాజమహేంద్రవరంకేంద్ర ఎన్నికల సంఘం నిర్దేశించిన మార్గదర్శకాలను అనుసరించి, ఎన్నికల నిర్వహణకు సంబంధించిన ఎలక్ట్రానిక్ ఓటింగ్ యంత్రాల (ఈవీఎంల) భద్రత, పర్యవేక్షణ ఏర్పాట్లను నిరంతరం పరిశీలించడంలో భాగంగా జిల్లా కలెక్టర్ కీర్తి చేకూరి గురువారం రాజమహేంద్రవరంలోని ఎఫ్‌సీఐ గోడౌన్‌లో ఏర్పాటు చేసిన ఈవీఎం గోడౌన్‌ను తనిఖీ చేశారు.

ఈ సందర్భంగా ఈవీఎం గోడౌన్‌లో భద్రతా ఏర్పాట్లు, సీసీ కెమెరాల పనితీరు, వాటి ద్వారా నిరంతరం పర్యవేక్షణ జరుగుతున్న తీరును ఆమె పరిశీలించారు. గోడౌన్ పరిసరాల్లో భద్రతా చర్యలు, సీసీ కెమెరాల ఏర్పాటు, వాటి పనితీరుకు సంబంధించిన వివరాలను అధికారులను అడిగి తెలుసుకున్నారు. ఎన్నికల సంఘం నిర్దేశించిన నిబంధనలకు అనుగుణంగా ఈవీఎంల భద్రతకు అవసరమైన అన్ని ఏర్పాట్లను పర్యవేక్షించాలని సూచించారు.ఎన్నికల ప్రక్రియలో ఈవీఎంల భద్రతకు అత్యంత ప్రాధాన్యత ఉన్న నేపథ్యంలో, గోడౌన్‌లో భద్రతా ప్రమాణాలను నిరంతరం పాటిస్తూ, పర్యవేక్షణ వ్యవస్థలు సక్రమంగా పనిచేసేలా చర్యలు తీసుకోవాలని  తెలిపారు.తనిఖీలో సబ్ కలెక్టర్ శుభం నోక్వాల్, డిప్యూటీ తహసీల్దార్ వి. శ్రీనివాస్, కలెక్టరేట్ ఎన్నికల విభాగం సిబ్బంది పాల్గొన్నారు.