ఈ నెల 30నే పెన్షన్ల పంపిణీ

నెల్లూరు,  మేజర్ న్యూస్ :  నవంబర్ 1న స్థానిక ఎన్నికల పోలింగ్ జరగనున్న నేపథ్యంలో, ఈ నెల 30వ తేదీ నుంచే పెన్షన్ల పంపిణీ చేపట్టాలని అధికారులు నిర్ణయించారు. సాధారణంగా నెల ప్రారంభంలో జరిగే పెన్షన్ల పంపిణీని ఎన్నికల దృష్ట్యా ముందుగానే ప్రారంభించనున్నారు.  ఈ నెల 29వ తేదీనే నగదు ఉపసంహరించుకుని పంపిణీకి సిద్ధంగా ఉంచుకోవాలని గ్రామ సచివాలయ సిబ్బంది, వార్డు సిబ్బందికి అధికారులు సూచించారు.  పెన్షన్ల పంపిణీ ప్రక్రియ నవంబర్ 5వ తేదీ వరకు కొనసాగుతుందని అధికారులు పేర్కొన్నారు. అర్హులైన లబ్ధిదారులకు నిర్ణీత గడువులోగా పెన్షన్లు అందేలా అవసరమైన ఏర్పాట్లు చేయాలని సూచించారు.