డిసెంబర్ 2 వరకు పిజిఆర్ఎస్ నిలిపివేత

నేటి దినపత్రిక సూర్య బ్యూరో రాజమహేంద్రవరంస్థానిక సంస్థల ఎన్నికల నేపథ్యంలో ఎన్నికల ప్రవర్తనా నియమావళి అమల్లో ఉన్నందున తూర్పుగోదావరి జిల్లాలో ప్రజా ఫిర్యాదుల పరిష్కార వేదిక (పీజీఆర్ఎస్) కార్యక్రమాన్ని డిసెంబరు 2 లేదా ఎన్నికల ప్రక్రియ పూర్తయ్యే వరకు, ఏది ముందుగా జరిగితే అప్పటివరకు తాత్కాలికంగా నిలిపివేస్తున్నట్లు జిల్లా కలెక్టర్ కీర్తి చేకూరి తెలిపారు.

ఎన్నికల ప్రవర్తనా నియమావళి అమలు, ఎన్నికల నిర్వహణకు సంబంధించిన ఏర్పాట్లు, అధికారుల పర్యవేక్షణ, ఎన్నికల విధుల నిర్వహణ తదితర అంశాల దృష్ట్యా ఈ నిర్ణయం తీసుకున్నట్లు తెలిపారు. ఎన్నికల సంఘం మార్గదర్శకాలకు అనుగుణంగా అధికారులు విధులు నిర్వహించాలని, ఎన్నికల ప్రక్రియను నిష్పక్షపాతంగా, పారదర్శకంగా నిర్వహించేందుకు సమన్వయంతో పనిచేయాలని సూచించారు.

ఎన్నికల ప్రక్రియ పూర్తయిన అనంతరం సంబంధిత ఆదేశాల మేరకు పీజీఆర్ఎస్ కార్యక్రమాన్ని తిరిగి ప్రారంభించనున్నట్లు కలెక్టర్ తెలిపారు.