ఈనెల 9న కొండేపిలో సీఎం సభ

ఈనెల 9  కొండేపిలో సీఎం  సభ

•  రైతులకు పట్టాదారు పాసుపుస్తకాలు పంపిణీ

సూర్య ప్రతినిధి, ఒంగోలు :

 ఈ నెల 9న కొండేపి నియోజకవర్గానికి ముఖ్యమంత్రి నారా చంద్రబాబునాయుడు రానున్నారు. రైతులకు పట్టాదారు పాసుపుస్తకాల పంపిణీ కార్యక్రమానికి సీఎం చంద్రబాబునాయుడు ముఖ్య అతిథిగా హాజరుకానున్నారు. రైతుల సంక్షేమానికి ప్రభుత్వం అత్యంత ప్రాధాన్యం ఇస్తున్న నేపథ్యంలో పట్టాదారు పాసుపుస్తకాల పంపిణీ కార్యక్రమాన్ని ప్రతిష్టాత్మకంగా నిర్వహించనున్నారు. రైతులకు భూములపై హక్కులకు సంబంధించిన పత్రాలను సీఎం చేతుల మీదుగా అందించనున్నారు. ముఖ్యమంత్రి చంద్రబాబునాయుడు కొండేపికి రానుండటంతో రైతులు, టీడీపీ శ్రేణుల్లో ఆసక్తి నెలకొంది. సీఎం పర్యటనను విజయవంతం చేసేందుకు అధికారులు ఏర్పాట్లు చేపడుతుండగా, పెద్ద సంఖ్యలో రైతులు, పార్టీ నాయకులు, కార్యకర్తలు కార్యక్రమానికి హాజరయ్యేలా చర్యలు తీసుకుంటున్నారు.