చిన్న ఎరుకపాడులో వైభవంగా శరన్నవరాత్రి ఉత్సవాలు: తొలిరోజు 'బాలాత్రిపురసుందరి'గా అమ్మవారి దర్శనం

చిన్న ఎరుకపాడులో వైభవంగా శరన్నవరాత్రి ఉత్సవాలు: తొలిరోజు 'బాలాత్రిపురసుందరి'గా అమ్మవారి దర్శనం

నందివాడ - సూర్య ప్రతినిధి : చిన్న ఎరుకపాడు గ్రామంలో వేంచేసి ఉన్న శ్రీ అష్టలక్ష్మి అమ్మవారి దేవస్థానంలో శ్రీదేవి శరన్నవరాత్రి మహోత్సవాలు అత్యంత వైభవంగా ప్రారంభమయ్యాయి. ఉత్సవాల మొదటి రోజున అమ్మవారు శ్రీ బాలా త్రిపుర సుందరీ దేవి అలంకారంలో భక్తులకు దర్శనమిచ్చారు. ఈ శుభ సందర్భాన్ని పురస్కరించుకుని ఆలయంలో ప్రత్యేక పూజలు, అర్చనలు నిర్వహించారు. అమ్మవారిని దర్శించుకోవడానికి భక్తులు పెద్ద సంఖ్యలో తరలివచ్చారు.
ఈ సందర్భంగా దేవస్థానం ఎగ్జిక్యూటివ్ ట్రస్ట్ బొప్పూడి సుబ్రహ్మణ్యేశ్వర రావు మాట్లాడుతూ.. తొమ్మిది రోజుల పాటు జరిగే ఈ శరన్నవరాత్రి ఉత్సవాలలో భక్తులందరూ పెద్ద సంఖ్యలో పాల్గొని, అమ్మవారిని దర్శించుకుని కృపా కటాక్షాలకు పాత్రులు కావాలని కోరారు. భక్తులకు ఎటువంటి ఇబ్బందులు కలగకుండా ఆలయ కమిటీ ఆధ్వర్యంలో అన్ని ఏర్పాట్లు చేసినట్లు ఆయన తెలిపారు.

"సూర్య - నందివాడ ప్రతినిధి(పాల్)