బ్యాలెట్ బాక్సులు మరమ్మత్తులు త్వరగా పూర్తి చేయాలి

ఎంపీడీవో మహేష్

రావికమతం  అక్టోబర్ 6 మేజర్ న్యూస్ :  బ్యాలెట్ బాక్సులు  మరమ్మతులు పూర్తి అయ్యేవరకు  వేరొక పనిలోకి వెళ్ళవద్దని ఎంపీడీవో మహేష్ ఆదేశించారు. రావికమతం జిల్లా పరిషత్ హైస్కూల్ లో ఉన్న  బ్యాలెట్ బాక్సులను ఆయన  మంగళవారం పరిశీలించారు. ఈ సందర్భంగా మాట్లాడుతూ  స్థానిక సంస్థల  ఎన్నికల కు సంబంధించి  బ్యాలెట్ బాక్సులు, పోలింగ్ కేంద్రాలు సిద్ధం చేయాలని జిల్లా కలెక్టర్ ఆదేశాలు జారీ చేశారు. ఈ మేరకు బ్యాలెట్ బాక్సులు మరమ్మత్తులు పూర్తి చేసే బాధ్యత  జూనియర్ అసిస్టెంట్ లక్ష్మణరావుకు  అప్పగించమన్నారు . అవసరమైతే దినసరి వేతనానికి  కూలీలను  సమకూర్చుకోవాలని సూచించారు. ఈ కార్యక్రమంలో మండల పరిషత్ పరిపాలన అధికారి సీతారామస్వామి  పాల్గొన్నారు.