బొబ్బర్లంకలో దెబ్బతిన్న అరటి తోటల పరిశీలన

మోపిదేవి, మేజర్ న్యూస్: అర్నబ్ తుఫాను ప్రభావంతో దెబ్బతిన్న అరటి తోటలను ఎమ్మెల్యే తనయుడు మండలి వెంకట్రామ్ గురువారం పరిశీలించారు. కూటమి నాయకులతో కలిసి మోపిదేవి మండలం బొబ్బర్లంక గ్రామంలో పర్యటించి, తుఫాను గాలులకు నేలకొరిగిన అరటి తోటలను పరిశీలించారు. ఈ సందర్భంగా ఉద్యానవన పంటల రైతులు తమకు జరిగిన నష్టాన్ని ఆయనకు వివరించారు. తుఫాను కారణంగా పంట నష్టపోయిన రైతులు ఆందోళన చెందవద్దని, రాష్ట్ర ప్రభుత్వం ఇప్పటికే రైతాంగాన్ని ఆదుకుంటామని ప్రకటించిందని మండలి వెంకట్రామ్ తెలిపారు. ప్రభుత్వం రైతులకు అండగా నిలుస్తుందని భరోసా ఇచ్చారు.

స్టాఫ్ రిపోర్టర్: ✍️ ప్రేమ్ రాజ్, అవనిగడ్డ నియోజకవర్గం, కృష్ణాజిల్లా.