భోగం కిరణ్ కుమార్ ను అత్యధిక మెజారిటీతో గెలిపించాలి. తలారి రంగయ్య.
కళ్యాణదుర్గం: కంబదూరు మండల కేంద్రంలో వైఎస్సార్ కాంగ్రెస్ పార్టీ బలపరిచిన సర్పంచ్ అభ్యర్థి భోగం కిరణ్ కుమార్ను అత్యధిక మెజార్టీతో గెలిపించేందుకు పార్టీ నాయకులు, కార్యకర్తలు సమష్టిగా కృషి చేయాలని వైసీపీ మాజీ ఎంపీ, పార్టీ పీఏసీ సభ్యులు, కళ్యాణదుర్గం నియోజకవర్గ సమన్వయకర్త డాక్టర్ తలారి రంగయ్య పిలుపునిచ్చారు. బుధవారం కళ్యాణదుర్గంలోని వైఎస్సార్ కాంగ్రెస్ పార్టీ కార్యాలయంలో భోగం కిరణ్ కుమార్తో పాటు కంబదూరు మండలానికి చెందిన పలువురు వైసీపీ సీనియర్ నాయకులు తలారి రంగయ్యను మర్యాదపూర్వకంగా కలిశారు. ఈ సందర్భంగా స్థానిక రాజకీయ పరిస్థితులు, ఎన్నికల ప్రచారం, గ్రామస్థాయిలో పార్టీ బలోపేతం తదితర అంశాలపై చర్చించారు. అనంతరం తలారి రంగయ్య మాట్లాడుతూ గ్రామాభివృద్ధిని లక్ష్యంగా చేసుకుని ప్రజల మద్దతు కూడగట్టేందుకు నాయకులు, కార్యకర్తలు ఐక్యంగా పనిచేయాలని సూచించారు. ప్రతి నాయకుడు, కార్యకర్త ఎన్నికలను ప్రతిష్టాత్మకంగా తీసుకుని అభ్యర్థి విజయానికి కృషి చేయాలని కోరారు. గ్రామ ప్రజల ఆశయాలకు అనుగుణంగా ముందుకు సాగుతూ భోగం కిరణ్ కుమార్కు అండగా నిలవాలని పిలుపునిచ్చారు. పార్టీ శ్రేణుల సమష్టి కృషితో భోగం కిరణ్ కుమార్ను అత్యధిక మెజార్టీతో గెలిపించాలని తలారి రంగయ్య సూచించారు. ఈ కార్యక్రమంలో కంబదూరు మండల వైసీపీ సీనియర్ నాయకులు, కార్యకర్తలు పాల్గొన్నారు.