తిరుపతి–రేణిగుంట కేంద్రంగా ప్రత్యేక రైల్వే డివిజనల్ కార్యాలయం ఏర్పాటు చేయాలని విజ్ఞప్తి - ఎంపీ గురుమూర్తి
రేణిగుంట మేజర్ న్యూస్: తిరుపతి పార్లమెంట్ పరిధిలోని రైల్వే సమస్యలను పరిష్కరించాలని ఎంపీ డాక్టర్ మద్దిల గురుమూర్తి దక్షిణ కోస్తా రైల్వే జనరల్ మేనేజర్కు వినతిపత్రం సమర్పించారు. గూడూరు రైల్వే ఓవర్ బ్రిడ్జి పనులను త్వరగా పూర్తి చేయడంతో పాటు, అదనపు ప్లాట్ఫామ్ ఏర్పాటు, పశ్చిమ వైపు బుకింగ్ కౌంటర్ అందుబాటులోకి తీసుకురావాలని కోరారు. తిరుపతి, రేణిగుంట కేంద్రంగా ప్రత్యేక డివిజనల్ కార్యాలయం ఏర్పాటు చేయాలని, అప్పటివరకు గుంతకల్ డీఆర్ఎం వారానికి మూడు రోజులైనా ఈ ప్రాంతాల నుంచి పరిపాలనా కార్యకలాపాలు నిర్వహించాలని విజ్ఞప్తి చేశారు. అలాగే తిరుచానూరు రైల్వే స్టేషన్ పేరును తిరుపతి ఈస్ట్గా మార్చాలని, రేణిగుంట స్టేషన్ ఆధునీకరణకు నిధులు పెంచాలని, దుగరాజపట్నం రైల్వే కారిడార్ పనులను వేగవంతం చేయాలని కోరారు.