అసాంఘిక కార్యకలాపాలకు పాల్పడిన నిందితుడు పై పీడీ యాక్ట్ కేసు నమోదు

-కడప సెంట్రల్ జైలుకు తరలింపు 
ఆత్మకూరు, మేజర్ న్యూస్  :    పలు అసాంఘిక కార్యక్రమాలకు పాల్పడి పలుకేసుల్లో శిక్ష కూడా గతంలో అనుభవించిన ఉదయగిరి వెంకటేశ్వర్లు అనే నిందితులపై పీడీ యాక్ట్ చట్టం కేసు నమోదు చేసి కడప సెంట్రల్ జైలుకు పంపామని గంగాధర్ పేర్కొన్నారు. ఆత్మకూరు పట్టణానికి చెందిన ఉదయగిరి వెంకటేశ్వర్లు గతంలో గంజాయి తదితర అసాంఘిక కార్యకలాపాల రెండు కేసుల్లో నిందితుడు కాగా పలు కేసుల్లో జైలు శిక్ష కూడా అనుభవించాడన్నారు. ఉన్నతాధికారుల ఆదేశాల మేరకు కరుడుగట్టిన నిందితుడిగా ఉన్న వెంకటేశ్వర్లు పై పి. డి చట్టం కేసు నమోదు చేశామని, కడప సెంట్రల్ జైలుకు తరలించామని సిఐ గంగాధర్ పేర్కొన్నారు. ఎవరైనా చట్ట వ్యతిరేక కార్యకలాపాలకు పాల్పడినా, అసాంఘిక కార్యకలాపాలకు పాల్పడినా కఠిన చర్యలు తీసుకుంటామని సీఐ గంగాధర్ హెచ్చరించారుm ఈ కార్యక్రమంలో ఆత్మకూరు ఎస్సై జంపాని కుమార్, సిబ్బంది పాల్గొన్నారు.