అర్నబ్ తుపాన్‌ ప్రభావం.. రేపు, ఎల్లుండి అత్యంత భారీ వర్షాలు
# ప్రయాణాలు వాయిదా వేసుకోవాలి: రాష్ట్ర విపత్తుల నిర్వహణ సంస్థ
రేణిగుంట మేజర్ న్యూస్: తూర్పు మధ్య, పశ్చిమ మధ్య బంగాళాఖాతంలో అర్నబ్ తుపాన్‌ కొనసాగుతోందని ఆంధ్రప్రదేశ్ రాష్ట్ర విపత్తుల నిర్వహణ సంస్థ వెల్లడించింది. గత ఆరు గంటల్లో గంటకు 13 కిలోమీటర్ల వేగంతో తుపాన్‌ కదిలినట్లు తెలిపింది. ప్రస్తుతం విశాఖపట్నానికి 540 కి.మీ., కాకినాడకు 620 కి.మీ., మచిలీపట్నానికి 720 కి.మీ., బాపట్లకు 790 కి.మీ. దూరంలో తుపాన్‌ కేంద్రీకృతమై ఉన్నట్లు పేర్కొంది. తుపాన్‌ ప్రభావంతో రేపు, ఎల్లుండి కొన్ని ప్రాంతాల్లో అత్యంత భారీ వర్షాలు, బలమైన ఈదురుగాలులు వీచే అవకాశం ఉందని హెచ్చరించింది. తుపాన్‌ తీరానికి దగ్గరయ్యే కొద్దీ తీవ్రత పెరిగే అవకాశం ఉందని తెలిపింది. ప్రజలు అప్రమత్తంగా ఉండాలని, రేపు, ఎల్లుండి ప్రయాణాలను వాయిదా వేసుకోవాలని రాష్ట్ర విపత్తుల నిర్వహణ సంస్థ ఎండీ ప్రఖర్‌ జైన్‌ సూచించారు.
రిపోర్టర్: రమేష్ బాబు కొండల
