అన్నవరం గ్రామంలో కూటమి నాయకులతో సామినేని ఉదయభాను ప్రత్యేక సమావేశం

అన్నవరం గ్రామంలో కూటమి నాయకులతో సామినేని ఉదయభాను ప్రత్యేక సమావేశం

జగ్గయ్యపేట రూరల్ మేజర్ న్యూస్ :-ఎంపీటీసీ, జడ్పీటీసీ ఎన్నికల్లో కూటమి అభ్యర్థుల విజయానికి సమిష్టిగా కృషి చేయాలి  సామినేని ఉదయభాను.

ప్రభుత్వం చేపట్టిన అభివృద్ధి, సంక్షేమ కార్యక్రమాలను ప్రజల్లోకి మరింత విస్తృతంగా తీసుకువెళ్లాలని ఎన్టీఆర్ జిల్లా జనసేన పార్టీ అధ్యక్షులు, మాజీ శాసనసభ్యులు సామినేని ఉదయభాను కూటమి నాయకులు, కార్యకర్తలకు పిలుపునిచ్చారు.

జగ్గయ్యపేట మండలం అన్నవరం గ్రామంలో వెలమాటి చిట్టిబాబు అధ్యక్షతన కూటమి నాయకులు, కార్యకర్తలతో ఆయన ప్రత్యేక సమావేశం నిర్వహించారు. రానున్న ఎంపీటీసీ, జడ్పీటీసీ ఎన్నికల నేపథ్యంలో కూటమి అభ్యర్థుల ప్రచారం, ఎన్నికల కార్యాచరణపై నాయకులతో చర్చించారు.

ఈ సందర్భంగా ఉదయభాను మాట్లాడుతూ.. ఎన్నికల్లో కూటమి అభ్యర్థులకు మద్దతుగా నాయకులు, కార్యకర్తలు సమన్వయంతో పనిచేయాలని, ప్రభుత్వ అభివృద్ధి, సంక్షేమ పథకాలను ప్రజలకు వివరించాలని సూచించారు.

బలుసుపాడు ఎంపీటీసీ సెగ్మెంట్ నుంచి తెలుగుదేశం పార్టీ బలపరిచిన ఎంపీటీసీ అభ్యర్థి పసుల మణి, జనసేన పార్టీ జడ్పీటీసీ అభ్యర్థి కోసూరు ప్రహ్లాదు కు మద్దతుగా ఎన్నికల ప్రచారాన్ని నిర్వహించాలని, సైకిల్, గాజు గ్లాసు గుర్తులపై ఓటు వేయాలని కోరారు.

ఈ సమావేశంలో కూటమి నాయకులు, జనసేన, తెలుగుదేశం పార్టీ కార్యకర్తలు పాల్గొన్నారు.

రిపోర్టర్ :-శివారెడ్డి జగ్గయ్యపేట రూరల్ ఎన్టీఆర్ జిల్లా