ఎంపీటీసీ, జడ్పీటీసీ ఎన్నికల సందర్భంగా నవంబర్ 5న వేతనంతో కూడిన సెలవు

ఎంపీటీసీ, జడ్పీటీసీ ఎన్నికల సందర్భంగా నవంబర్ 5న వేతనంతో కూడిన సెలవు

 కైకలూరు, మేజర్ న్యూస్: ఆంధ్రప్రదేశ్‌లో నిర్వహించనున్న ఎంపీటీసీ, జడ్పీటీసీ రెండో విడత ఎన్నికల నేపథ్యంలో నవంబర్ 5వ తేదీ గురువారం వేతనంతో కూడిన సెలవు ప్రకటించినట్లు అసిస్టెంట్ లేబర్ ఆఫీసర్ బి.సత్యనారాయణ తెలిపారు. గతంలో ప్రకటించిన నవంబర్ 3వ తేదీ స్థానంలో నవంబర్ 5వ తేదీన ఎన్నికలు నిర్వహించనున్న నేపథ్యంలో రాష్ట్ర ఎన్నికల సంఘం ఈ మేరకు ఉత్తర్వులు జారీ చేసిందని పేర్కొన్నారు. ఎన్నికలు జరిగే ప్రాంతాల్లోని పరిశ్రమలు, సంస్థలు, వాణిజ్య సంస్థలు, ఇతర యాజమాన్యాల వద్ద పనిచేస్తున్న ఉద్యోగులు, కార్మికులు తమ ఓటు హక్కును స్వేచ్ఛగా వినియోగించుకునేందుకు ఈ వేతనంతో కూడిన సెలవు వర్తిస్తుందని తెలిపారు. జాయింట్ కమిషనర్ ఆఫ్ లేబర్, జోన్-II, ఏలూరు ఎ.గణేషన్ ఆదేశాల మేరకు ఈ పత్రికా ప్రకటన విడుదల చేసినట్లు అసిస్టెంట్ లేబర్ ఆఫీసర్ బి.సత్యనారాయణ వెల్లడించారు.