అనంతలక్ష్మీ కళాశాలలో ప్రాంగణ నియామకాలు

( మల్లికార్జున సూర్య స్టాఫ్ రిపోర్టర్)

అనంతలక్ష్మీ ఇంజినీరింగ్ కళాశాలలో ప్రముఖ బహుళజాతి సంస్థ మదర్‌సన్ ఆధ్వర్యంలో ప్రాంగణ నియామకాలు నిర్వహించారు. కళాశాలకు చెందిన చివరి సంవత్సరం ఎలక్ట్రానిక్స్, ఎలక్ట్రికల్, మెకానికల్ ఇంజినీరింగ్ విద్యార్థులు 250 మంది ఈ ఎంపిక ప్రక్రియకు హాజరయ్యారు. రాత పరీక్ష, బృంద చర్చ, వ్యక్తిగత ఇంటర్వ్యూ నిర్వహించి 89 మంది విద్యార్థులను శిక్షణార్థి ఇంజినీర్లుగా ఎంపిక చేశారు. ఎంపికైన వారికి ఏడాదికి రూ.3 లక్షల వేతనం అందించనున్నట్లు కళాశాల ప్రాంగణ నియామకాల, నైపుణ్యాభివృద్ధి సంచాలకులు డా. ఎం. సురేంద్ర నాయుడు తెలిపారు. పరిశ్రమ అవసరాలకు అనుగుణంగా విద్యార్థులకు శిక్షణ, ఉపన్యాసాలు, సదస్సులు, వృత్తి మార్గదర్శక కార్యక్రమాలు నిర్వహిస్తున్నామని పేర్కొన్నారు. ఎంపికైన విద్యార్థులను కళాశాల చైర్మన్ ఎం. అనంతరాముడు, ఉపాధ్యక్షుడు ఎం. రమేష్ నాయుడు, ప్రిన్సిపాల్ డా. కుటాల శ్రీనివాసులు, అధ్యాపకులు అభినందించారు.