అంగన్‌వాడీ కేంద్రాన్ని తనిఖీ చేసిన కలెక్టర్ ఓ.ఆనంద్
అనంతపురం బ్యూరో : డి.హీరేహాల్ మండల కేంద్రంలోని కోట వీధిలో ఉన్న అంగన్‌వాడీ కేంద్రాన్ని జిల్లా కలెక్టర్ ఓ.ఆనంద్ బుధవారం తనిఖీ చేశారు. అసిస్టెంట్ కలెక్టర్ సుయశ్ కుమార్‌తో కలిసి కేంద్రాన్ని సందర్శించిన కలెక్టర్ అక్కడి పరిస్థితులను పరిశీలించారు.
అంగన్‌వాడీ కేంద్రంలో చిన్నారులకు అందుతున్న సేవలు, వారి హాజరు, కేంద్రంలోని వసతులు తదితర అంశాలను కలెక్టర్ పరిశీలించినట్లు అధికారులు తెలిపారు. చిన్నారులకు ప్రభుత్వం అందిస్తున్న పౌష్టికాహారం, విద్యా సంబంధిత కార్యక్రమాలు సక్రమంగా అమలవుతున్నాయా అనే అంశాలపై కూడా వివరాలు తెలుసుకున్నారు.
అంగన్‌వాడీ కేంద్రాల ద్వారా చిన్నారులకు మెరుగైన పోషకాహారం, ఆరోగ్య సంరక్షణ, ప్రాథమిక విద్య అందేలా అధికారులు నిరంతరం పర్యవేక్షించాలని కలెక్టర్ సూచించారు. కేంద్రాల్లో అవసరమైన వసతులపై కూడా దృష్టి సారించాలని అధికారులకు సూచించినట్లు తెలిసింది.
కలెక్టర్ వెంట సంబంధిత అధికారులు, అంగన్‌వాడీ సిబ్బంది పాల్గొన్నారు.
రిపోర్టర్ : మొయినుద్దీన్, అనంతపురం బ్యూరో, అనంతపురం.
