కావలిలో జనసేనలో చేరిన వైసీపీ వాలంటీర్లు, నాయకులు

 కావలి,మేజర్ న్యూస్ :  పట్టణంలో వైసీపీకి చెందిన పలువురు నాయకులు, సోషల్ మీడియా ప్రతినిధులు, వార్డు వాలంటీర్లు బుధవారం జనసేన పార్టీలో చేరారు.  పట్టణంలోని 1, 16, 18వ వార్డులకు చెందిన వైసీపీ వాలంటీర్లు వీరనారాయణమ్మ, కొండా కవిత, మాకన విజయంలో పాటు వైసీపీ సోషల్ మీడియా వింగ్ సెక్రటరీ ఆళ్ల శ్రీనివాసులు, నాయకులు కొండా మస్తాన్, షేక్ కరీముల్లా తదితరులు జనసేనలో చేరారు.  జనసేన నాయకుడు మన్నెమాల సుకుమార్ రెడ్డి నివాసంలో బుధవారం ఏర్పాటు చేసిన ప్రత్యేక కార్యక్రమంలో వీరందరికీ ఆయన జనసేన కండువాలు కప్పి పార్టీలోకి ఆహ్వానించారు.  ఈ సందర్భంగా మన్నెమాల సుకుమార్ రెడ్డి మాట్లాడుతూ.. జనసేన అధినేత పవన్ కళ్యాణ్ ఆశయాలు, సిద్ధాంతాలకు ఆకర్షితులై ఇతర పార్టీల నుంచి నాయకులు, కార్యకర్తలు జనసేనలో చేరుతున్నారని తెలిపారు. రాబోయే రోజుల్లో కావలి నియోజకవర్గంలో జనసేన పార్టీ బలోపేతానికి ప్రతి ఒక్కరూ కృషి చేయాలని పిలుపునిచ్చారు.   పార్టీలో చేరిన నాయకులు, మాతృసంస్థలు, పవన్ కళ్యాణ్ ఆశయ సాధనకు, మన్నెమాల సుకుమార్ రెడ్డి నాయకత్వంలో కావలిలో జనసేన పార్టీ బలోపేతానికి శాయశక్తులా కృషి చేస్తామని తెలిపారు.  ఈ కార్యక్రమంలో పలువురు జనసేన నాయకులు, కార్యకర్తలు పాల్గొన్నారు.