ఆర్ట్స్ కళాశాలలో సమాచార హక్కు చట్టంపై అవగాహన

(మల్లికార్జున నేటి దినపత్రిక సూర్య స్టాఫ్ రిపోర్టర్)

అనంతపురం ప్రభుత్వ కళాశాల (స్వయంప్రతిపత్తి)లో ఎన్‌ఎస్‌ఎస్‌, సమాచార హక్కు పరిరక్షణ సంఘం జిల్లా కమిటీ ఆధ్వర్యంలో సమాచార హక్కు చట్టం–2005పై అవగాహన సదస్సు నిర్వహించారు. ఇన్‌చార్జ్ ప్రిన్సిపాల్ డా. పి. కేశాలు అధ్యక్షత వహించారు. ముఖ్య అతిథి, రాష్ట్ర సమాచార హక్కు పరిరక్షణ సంఘం ఫౌండర్, స్టేట్ ప్రెసిడెంట్ ఏ. హాన్నూరప్ప మాట్లాడుతూ పారదర్శకత, జవాబుదారీతనానికి సమాచార హక్కు చట్టం కీలకమన్నారు. రిటైర్డ్ ప్రిన్సిపాల్, జిల్లా కన్వీనర్ డా. ఎన్. రంగస్వామి, జిల్లా కో-కన్వీనర్ డి. కృష్ణమూర్తి మాట్లాడారు. ఎన్‌ఎస్‌ఎస్‌ ప్రోగ్రామ్ అధికారులు డా. బి. నాగభూషణం, డా. డి. సీ. సుగప్ప, డా. బి. గోపాల్ నాయక్, డా. శ్రీనివాసులు, డా. ఎమ్. అచ్యుతానంద, పీఐఓ డా. డి. విజయలక్ష్మి, రాజకీయ శాస్త్ర విభాగం ఇన్‌చార్జి, అధ్యాపకులు, ఎన్‌ఎస్‌ఎస్‌ వాలంటీర్లు, విద్యార్థులు పాల్గొన్నారు.