పోషకాహారంతో ఆరోగ్యకరమైన భవిష్యత్తు ఐసిడిఎస్ సూపర్వైజర్ సుభద్రమ్మ

వేంపల్లె మేజర్ న్యూస్:
చిన్న పిల్లలు, గర్భిణీలు, బాలింతలకు సరైన పోషకాహారంతోనే ఆరోగ్యకరమైన భవిష్యత్ దాగి ఉందని ఐసిడిఎస్ సూపర్వైజర్ సుభద్రమ్మ తెలిపారు. బుధవారం మండల పరిధిలోని రామిరెడ్డిపల్లి గ్రామం అంగన్వాడీ కేంద్రంలో పోషణ్ మాసం కార్యక్రమాన్ని నిర్వహించారు. ఆరోగ్య పరిరక్షణకు సరైన ఆహారం, అంగన్వాడీ కేంద్రాల ద్వారా అందుతున్న సేవలు, పౌష్టికాహారం, పిల్లల ఎదుగుదల, గర్భిణీ, బాలింత మహిళలు తీసుకోవాల్సిన పజాగ్రత్తలపై అవగాహన కల్పించారు. అలాగే అంగన్వాడీ కేంద్రాల ద్వారా అందుతున్న పథకాలను లబ్ధిదారులు సద్వినియోగం చేసుకోవాలని సూచించారు. ఈ కార్యక్రమంలో అంగన్వాడీ టీచర్ భవానీ, పిల్లల తల్లిదండ్రులు, గర్భిణీ, బాలింత మహిళలు తదితరులు పాల్గొన్నారు.

గండికోట షేక్ ఖదీర్, వేంపల్లె.
వైఎస్ఆర్ కడప జిల్లా.