39 మద్యం దుకాణాలకు లాటరీ నేడు అనంతపురం కలెక్టర్ సమక్షంలో డ్రా ఆఫ్ లాట్స్ ఉదయం 7.30 గంటల్లోపు అర్హత కలిగిన దరఖాస్తుదారులు హాజరు కావాలి

అనంతపురం బ్యూరో : అనంతపురం జిల్లాలో 2026–27 లీజు సంవత్సరానికి నోటిఫై చేసిన మద్యం దుకాణాల్లో 39 దుకాణాలకు డ్రా ఆఫ్ లాట్స్ (లాటరీ) విధానంలో ఎంపిక ప్రక్రియ నిర్వహించనున్నట్లు జిల్లా ప్రొహిబిషన్‌ అండ్‌ ఎక్సైజ్‌ అధికారి బి. రామమోహనరెడ్డి తెలిపారు.

ఈ డ్రా ఆఫ్ లాట్స్ ప్రక్రియ అక్టోబర్ 8న ఉదయం 8 గంటలకు అనంతపురం జిల్లా కలెక్టర్ సమక్షంలో నిర్వహించనున్నట్లు పేర్కొన్నారు. అనంతపురంలోని జెడ్పీ కాంపౌండ్‌లో ఉన్న జిల్లా ప్రజా సంబంధాల కేంద్రం (డీపీఆర్‌సీ) మీటింగ్‌ హాల్‌లో లాటరీ ప్రక్రియ జరగనుంది.

జిల్లాలోని వివిధ ప్రాంతాల్లో మొత్తం 39 మద్యం దుకాణాలకు లాటరీ నిర్వహించనున్నారు. ఇందులో అనంతపురం మున్సిపల్ కార్పొరేషన్ పరిధిలో అత్యధికంగా 14 దుకాణాలు, తాడిపత్రి మున్సిపాలిటీలో 7 దుకాణాలు ఉన్నాయి.

ప్రాంతాల వారీగా దుకాణాల వివరాలు ఇలా ఉన్నాయి: తాడిపత్రి రూరల్‌లో 2, గుంతకల్లు మున్సిపాలిటీలో 3, కళ్యాణదుర్గం మున్సిపాలిటీలో 2, రాయదుర్గం మున్సిపాలిటీలో 1, పామిడి 1, యాడికి 1, కనేకల్ 1, కంబదూరు 1, శెట్టూరు 1, కుందుర్పి 1, సింగనమల 1, బుక్కరాయసముద్రం 1, డి.హీరేహాళ్ 1, బొమ్మనహాళ్ మండలాల్లో 1 చొప్పున దుకాణాలకు లాటరీ నిర్వహించనున్నారు.

లాటరీ ప్రక్రియలో పాల్గొనేందుకు అర్హత కలిగిన దరఖాస్తుదారులు అక్టోబర్ 8న ఉదయం 7.30 గంటల్లోపు నిర్దేశిత వేదికకు తప్పనిసరిగా హాజరు కావాలని అధికారులు సూచించారు.

కలెక్టర్ సమక్షంలో జరిగే ఈ డ్రా ఆఫ్ లాట్స్ ప్రక్రియను ప్రభుత్వం నిర్దేశించిన మార్గదర్శకాలు, నిబంధనలకు అనుగుణంగా పారదర్శకంగా, నిష్పక్షపాతంగా నిర్వహిస్తామని జిల్లా ప్రొహిబిషన్‌ అండ్‌ ఎక్సైజ్‌ శాఖ అధికారులు తెలిపారు.

రిపోర్టర్ : మొయినుద్దీన్, అనంతపురం బ్యూరో, అనంతపురం.