సమాచార హక్కు చట్టంపై అవగాహన

ఆగిరిపల్లి, మేజర్ న్యూస్: సమాచార హక్కు చట్టం–2005 వారోత్సవాల్లో భాగంగా బుధవారం ఆగిరిపల్లి మండల మహిళా సమైక్య కార్యాలయంలో జిల్లా గ్రామీణ అభివృద్ధి సంస్థ అసిస్టెంట్ ప్రాజెక్ట్ మేనేజర్ దయాల రాజశేఖర్ ఆధ్వర్యంలో అవగాహన కార్యక్రమం నిర్వహించారు. ఈ సందర్భంగా డిప్యూటీ తహశీల్దార్ గనుపల్లి పవన్‌కుమార్ మాట్లాడుతూ ప్రభుత్వ కార్యాలయాల నుంచి ప్రజలు పారదర్శకంగా సమాచారాన్ని పొందేందుకు ఆర్టీఐ చట్టం ఎంతగానో ఉపయోగపడుతుందని తెలిపారు.ఇండియన్ యాక్ట్స్ అవేర్నెస్ వాలంటీర్ ఆర్గనైజేషన్ వ్యవస్థాపక అధ్యక్షుడు అయ్యంకి సురేష్‌బాబు, రాష్ట్ర అధ్యక్షుడు సయ్యద్ లాల్‌సాహెబ్ మాట్లాడుతూ ప్రజలు చట్టాలపై అవగాహన పెంచుకోవాలని సూచించారు. కార్యక్రమంలో ఏపీవో ఖాజావలి, మండల సమైక్య కార్యదర్శి షేక్ సయ్యద్ బషీర్, పలగాని పాపారావు, గోపే రాజకోటేశ్వరరావు, మహిళా సమాఖ్య సభ్యులు, సీసీలు, వీఓఏలు తదితరులు పాల్గొన్నారు.

 రిపోర్టర్ బాబు ఆగిరిపల్లి ఏలూర  జిల్లా