ప్రమాద బాధిత కుటుంబానికి మున్నా నగర్ రమేష్ ఆర్థిక సాయం

(మల్లికార్జున నేటి దినపత్రిక సూర్య స్టాఫ్ రిపోర్టర్)

అశోక్‌నగర్‌లో ప్రమాదానికి గురైన కుటుంబాన్ని టీడీపీ నాయకుడు, ఆర్టీసీ మాజీ గౌరవ అధ్యక్షులు మున్నా నగర్  రమేష్ పరామర్శించి, వైద్య ఖర్చుల కోసం రూ.5 వేల ఆర్థిక సహాయం అందించారు. కుటుంబ సభ్యులు ఈ విషయాన్ని రమేష్ దృష్టికి తీసుకురావడంతో వెంటనే స్పందించి అండగా నిలిచారు.
అలాగే 21వ డివిజన్ మున్నానగర్‌లో టీడీపీ కార్యకర్త కమల్ గుండెపోటుతో మృతి చెందడంతో రమేష్ అక్కడికి వెళ్లి కుటుంబ సభ్యులను పరామర్శించారు. వారికి ధైర్యం చెప్పి, ఎలాంటి సహాయం కావాలన్నా అండగా ఉంటానని భరోసా ఇచ్చారు. అనంతరం కుటుంబానికి రూ.5 వేల ఆర్థిక సహాయం అందించారు.
ఈ కార్యక్రమంలో డివిజన్ ఇన్‌చార్జి టి. గురుమూర్తి, రమణ, శ్రీదేవి, వినోద్ కుమార్, సుదర్శన్ రెడ్డి, మధు, వినయ్, అక్రమ్ తదితరులు పాల్గొన్నారు.