+అక్టోబర్ 12 నుంచి 20 వరకు శ్రీవారి నవరాత్రి బ్రహ్మోత్సవాలు +16న గరుడసేవ.. 17న పుష్పక విమానం.. 19న స్వర్ణరథం.. 20న చక్రస్నానం
తిరుమల, మేజర్ న్యూస్ :తిరుమల శ్రీవారి నవరాత్రి బ్రహ్మోత్సవాలు అక్టోబర్ 12 నుంచి 20వ తేదీ వరకు వైభవంగా నిర్వహించనున్నారు. అధికమాసం వచ్చే సందర్భాల్లో వార్షిక బ్రహ్మోత్సవాలతో పాటు దసరా నవరాత్రుల్లో నవరాత్రి బ్రహ్మోత్సవాలను నిర్వహించడం ఆనవాయితీ. ఈ ఉత్సవాల్లో ధ్వజారోహణం, పెద్ద రథం, ధ్వజావరోహణం నిర్వహించరు.
ప్రతిరోజూ ఉదయం వాహనసేవలు సాధారణంగా ఉదయం 8 నుంచి 10 గంటల వరకు, రాత్రి వాహనసేవలు రాత్రి 7 నుంచి 9 గంటల వరకు జరుగుతాయి. అత్యంత విశిష్టమైన గరుడ వాహనసేవను అక్టోబర్ 16న సాయంత్రం 6.30 నుంచి రాత్రి 11.30 గంటల వరకు నిర్వహించనున్నారు.
???? వాహనసేవల వివరాలు
అక్టోబర్ 11:
???? అంకురార్పణం – రాత్రి 7 నుంచి 9 గంటల వరకు
అక్టోబర్ 12:
???? బంగారు తిరుచ్చి ఉత్సవం – ఉదయం 9 గంటలకు
???? పెద్దశేష వాహనం – రాత్రి 7 గంటలకు
అక్టోబర్ 13:
???? చిన్నశేష వాహనం – ఉదయం 8 గంటలకు
???? హంస వాహనం – రాత్రి 7 గంటలకు
అక్టోబర్ 14:
???? సింహ వాహనం – ఉదయం 8 గంటలకు
???? ముత్యపుపందిరి వాహనం – రాత్రి 7 గంటలకు
అక్టోబర్ 15:
???? కల్పవృక్ష వాహనం – ఉదయం 8 గంటలకు
???? సర్వభూపాల వాహనం – రాత్రి 7 గంటలకు
అక్టోబర్ 16:
???? మోహినీ అవతారం – ఉదయం 8 గంటలకు
???? గరుడ వాహనం – సాయంత్రం 6.30 గంటలకు
అక్టోబర్ 17:
???? హనుమంత వాహనం – ఉదయం 8 గంటలకు
???? పుష్పక విమానం – సాయంత్రం 4 గంటలకు
???? గజ వాహనం – రాత్రి 7 గంటలకు
అక్టోబర్ 18:
???? సూర్యప్రభ వాహనం – ఉదయం 8 గంటలకు
???? చంద్రప్రభ వాహనం – రాత్రి 7 గంటలకు
అక్టోబర్ 19:
???? స్వర్ణరథం – ఉదయం 7 గంటలకు
???? అశ్వ వాహనం – రాత్రి 7 గంటలకు
అక్టోబర్ 20:
???? చక్రస్నానం – ఉదయం 6 గంటలకు
శ్రీవారి నవరాత్రి బ్రహ్మోత్సవాల సందర్భంగా తిరుమలకు పెద్ద సంఖ్యలో భక్తులు తరలివచ్చే అవకాశం ఉండటంతో తిరుమల తిరుపతి దేవస్థానం ఏర్పాట్లు చేస్తోంది. ముఖ్యంగా గరుడసేవ, పుష్పక విమానం, స్వర్ణరథం, చక్రస్నానం రోజుల్లో భక్తుల రద్దీ అధికంగా ఉండే అవకాశం ఉంది.
