+మేడారం మినీ జాతర తేదీలు ఖరారు.. ఫిబ్రవరి 17 నుంచి 20 వరకు +నాలుగు రోజుల పాటు సమ్మక్క–సారలమ్మ అమ్మవార్లకు ప్రత్యేక పూజలు

ములుగు, మేజర్ న్యూస్ : తెలంగాణలోని ప్రసిద్ధ గిరిజన పుణ్యక్షేత్రం మేడారంలో నిర్వహించే శ్రీ సమ్మక్క–సారలమ్మ మినీ జాతర తేదీలు ఖరారయ్యాయి. తాడ్వాయి మండలం మేడారంలో 2027లో జరిగే మినీ జాతరను ఫిబ్రవరి 17 నుంచి 20వ తేదీ వరకు నాలుగు రోజుల పాటు నిర్వహించనున్నారు.

మేడారం పూజారుల (వడ్డెలు) సంఘం సభ్యులు మినీ జాతర నిర్వహణ తేదీలను ఖరారు చేసి అధికారికంగా ప్రకటించారు. ఈ మేరకు పంచాయతీరాజ్, స్త్రీ శిశు సంక్షేమ శాఖ మంత్రికి లేఖ ద్వారా వివరాలను తెలియజేశారు.

జాతర తేదీలివే..

???? ఫిబ్రవరి 17, బుధవారం

???? ఫిబ్రవరి 18, గురువారం

???? ఫిబ్రవరి 19, శుక్రవారం

???? ఫిబ్రవరి 20, శనివారం

ఈ నాలుగు రోజుల పాటు మేడారంలో సమ్మక్క–సారలమ్మ అమ్మవార్ల ఉత్సవాలు, ప్రత్యేక పూజా కార్యక్రమాలు వైభవంగా నిర్వహించనున్నారు. వివిధ ప్రాంతాల నుంచి పెద్ద సంఖ్యలో భక్తులు మేడారం తరలివచ్చి అమ్మవార్లను దర్శించుకునే అవకాశం ఉంది.

మేడారం సమ్మక్క–సారలమ్మ జాతరకు తెలంగాణతో పాటు ఆంధ్రప్రదేశ్, మహారాష్ట్ర, ఛత్తీస్‌గఢ్, కర్ణాటక తదితర రాష్ట్రాల నుంచి కూడా భక్తులు తరలివస్తుంటారు. ప్రధాన జాతర సంవత్సరానికి ఒకసారి జరిగే మహా ఉత్సవంగా గుర్తింపు పొందగా.. మధ్యలో జరిగే మినీ జాతరకు కూడా భక్తుల్లో విశేష ప్రాధాన్యం ఉంది.

మినీ జాతర తేదీలను పూజారుల సంఘం నాయకులు, వడ్డెలు ధ్రువీకరిస్తూ సంబంధిత లేఖపై సంతకాలు చేశారు. దీంతో 2027 మేడారం మినీ జాతర ఏర్పాట్లకు అధికారికంగా తేదీలు ఖరారైనట్లయింది.