andhrapradesh
ముంపు వరి పంటను పరిశీలించిన కలెక్టర్
నరసన్నపేట, సెప్టెంబర్ 27, మేజర్ న్యూస్:
నరసన్నపేట మండలం మామిడివలస గ్రామంలో ముంపునకు గురైన వరి పంటను జిల్లా కలెక్టర్ స్వప్నిల్ దినకర్ పుండ్కర్ ఆదివారం సాయంత్రం పరిశీలించారు. గత నాలుగు రోజులుగా వరి పంట నీటిలో ఉండటంతో పంటకు కలిగే నష్టాన్ని క్షేత్రస్థాయిలో అంచనా వేయాలని వ్యవసాయ అధికారులను ఆదేశించారు.
రైతులకు అవసరమైన సలహాలు, సూచనలు అందిస్తూ పంట నష్టాన్ని తగ్గించేందుకు తగిన చర్యలు చేపట్టాలని అధికారులకు సూచించారు. డ్రోన్ సహాయంతో ముంపు ప్రాంతాల్లోని పంట పరిస్థితిని పరిశీలించారు.
రైతులకు ఎలాంటి ఇబ్బందులు కలగకుండా ప్రభుత్వం అవసరమైన అన్ని చర్యలు చేపడుతుందని కలెక్టర్ తెలిపారు. వ్యవసాయ శాఖ అధికారులు అందించే సూచనలు, సలహాలను రైతులు పాటించాలని విజ్ఞప్తి చేశారు.
కార్యక్రమంలో మండల వ్యవసాయ అధికారి సూర్యకుమారి, సచివాలయ సిబ్బంది, సంబంధిత అధికారులు పాల్గొన్నారు.
