సచివాలయ ఉద్యోగులపై పోలీసుల దాడుల

సచివాలయ ఉద్యోగులపై పోలీసుల దాడుల..

ఎమ్మిగనూరు:  సూర్య ప్రతినిధి

తమ న్యాయమైన సమస్యల పరిష్కారం కోసం శాంతియుతంగా నిరసన తెలిపేందుకు వచ్చిన గ్రామ, వార్డు సచివాలయ ఉద్యోగులపై పోలీసులు దాడి చేసి నిర్బంధించడాన్ని ఏపీఎన్జీవోస్ నేత ప్రభు తీవ్రంగా ఖండించారు. ఉద్యోగుల సమస్యలను చర్చల ద్వారా పరిష్కరించాల్సిన ప్రభుత్వం పోలీసులను ప్రయోగించడం బాధాకరమన్నారు.
ప్రజలకు ప్రభుత్వ సేవలు అందిస్తున్న సచివాలయ ఉద్యోగులపై బలప్రయోగం చేయడం ప్రజాస్వామ్య స్ఫూర్తికి విరుద్ధమని పేర్కొన్నారు. పోలీసుల చర్యలను ప్రభుత్వం వెంటనే సమీక్షించి, బాధ్యులపై చర్యలు తీసుకోవాలని డిమాండ్ చేశారు. ఉద్యోగ సంఘాలతో ప్రభుత్వం తక్షణమే చర్చలు జరిపి సమస్యలను పరిష్కరించాలని  కోరారు.