BREAKING
ఏపీలో రేపు డిప్యూటీ మేయర్లు, వైస్ చైర్మన్ల ఎన్నిక.. 66 స్థానాలకు కూటమి జాబితా విడుదల సామూహిక వేదపారాయణంతో మార్మోగిన సాయి సమితి ప్రాంగణం. కోటిపల్లి అభివృద్ధికి కోటి హామీ చినంచల సర్పంచ్ అభ్యర్థిగా పినకాన ముకుంద రావును ఆదరించండి. శేఖరాపురంలో టీడీపీలోకి 50 కుటుంబాలు అక్రమంగా మద్యం తరలిస్తున్న ఇద్దరి అరెస్ట్ రాచానుపల్లి కూటమి బలపరిచిన అభ్యర్థి నాగరాజు యాదవ్ జోరుగా ఎన్నికల ప్రచారం అక్రమ నిర్మాణాలను నిర్మూలించేది ఎప్పుడు..? నోటీసులు జారీ చేసినా ఆగని ఆక్రమణల పర్వం..! సేవా కార్యక్రమంతో సత్యసాయి బాబా శతజయంతి వేడుకల ముగింపు ప్రశాంతంగా ఉన్న గ్రామాలలో అరాచక రాజకీయాల సృష్టించవద్దు - ఎచ్చెర్ల నియోజకవర్గం ఎమ్మెల్యే ఎన్ఈఆర్ పొన్నూరు మండలం ఆలూరు గ్రామ నివాసి అంబటి వెంకటేశ్వర్లు మృతి పార్టీకి తీరని లోటు........ ఎమ్మెల్యే ధూళిపాళ్ళ సర్పంచ్ అభ్యర్థి గెలుపు కోసం కొడిమిలో వైసిపి నాయకులు ,కార్యకర్తలు విస్తృత ప్రచారం రెండో రోజు భారీగా నామినేషన్లు! మన్యం జిల్లా అభివృద్ధికి కృషి చేయాలి. - మంత్రి అచ్చెన్నాయుడు కొడిమిలో కూటమి బలపరిచిన సర్పంచ్ అభ్యర్థి తొగట అపర్ణ గెలుపు కోసం విస్తృత ప్రచారం

అక్రమ నిర్మాణాలను నిర్మూలించేది ఎప్పుడు..? నోటీసులు జారీ చేసినా ఆగని ఆక్రమణల పర్వం..!

Select Suryaa Now
అక్రమ నిర్మాణాలను నిర్మూలించేది ఎప్పుడు..? నోటీసులు జారీ చేసినా ఆగని ఆక్రమణల పర్వం..!

సర్వే నంబర్ 230/7Bలో యథేచ్ఛగా నిర్మాణాలు..! ప్రభుత్వ నోటీసులకు బేఖాతర్‌.. వంశధార నిర్వాసితుడు ఎద్దు లక్ష్మీనారాయణ తీవ్ర ఆరోపణ

హిరమండలం,మేజర్ న్యూస్: వంశధార ప్రాజెక్టుకు సంబంధించిన భూముల్లో అక్రమ ఆక్రమణలు, నిర్మాణాల వ్యవహారం మరోసారి చర్చనీయాంశంగా మారింది. వంశధార ప్రాజెక్టు కట్టడాల విభాగం పరిధిలోని సర్వే నంబర్ 230/7Bలో ప్రాజెక్టు భూములకు సంబంధించిన స్థలంలో ఎటువంటి నిర్మాణాలు చేపట్టరాదని గతంలోనే సంబంధిత వ్యక్తులకు 28-01-2025న నోటీసులు జారీ చేసినప్పటికీ, నిర్మాణ పనులు కొనసాగుతున్నాయని వంశధార నిర్వాసితుడు ఎద్దు లక్ష్మీనారాయణ పాత్రికేయులకు వెల్లడించారు. తాజాగా ఆంధ్రప్రదేశ్ ప్రభుత్వ జలవనరుల శాఖ, వంశధార ప్రాజెక్టు కట్టడాల విభాగం నుంచి సంబంధిత వ్యక్తులకు 19-11-2026 తేదీన ఎల్.ఆర్. నంబర్లు 38, 39 ద్వారా మరోసారి నోటీసులు జారీ చేసినట్లు ఆయన తెలిపారు. వంశధార ప్రాజెక్టుకు సంబంధించిన భూముల్లో అక్రమంగా నిర్మాణాలు చేపడుతున్నట్లు శాఖ గుర్తించి, తగిన చర్యలు తీసుకునే దిశగా నోటీసులు జారీ చేసినప్పటికీ ఆక్రమణదారులు మాత్రం వాటిని పట్టించుకోకుండా సదరు సర్వే నంబర్‌లో నిర్మాణ పనులను యథేచ్ఛగా కొనసాగిస్తున్నారని ఎద్దు లక్ష్మీనారాయణ ఆరోపించారు. సంబంధిత శాఖ అధికారులు ఇప్పటికే రెండుసార్లు నోటీసులు జారీ చేసినా నిర్మాణాలు నిలిచిపోకపోవడం పలు అనుమానాలకు తావిస్తోందని, ప్రభుత్వ నోటీసులకు విలువ లేకుండా పోతుందా? అనే ప్రశ్నలు తలెత్తుతున్నాయని ఆయన పేర్కొన్నారు. ప్రభుత్వ భూముల్లో జరుగుతున్నట్లు ఆరోపణలు ఎదుర్కొంటున్న అక్రమ నిర్మాణాలను అడ్డుకోవడమే కాకుండా, ఇప్పటికే చేపట్టిన నిర్మాణాలను తొలగించే చర్యలు ఎప్పుడు చేపడతారని ఆయన ప్రశ్నించారు. నోటీసులు జారీ చేయడంతోనే అధికారులు తమ బాధ్యత ముగిసినట్లు భావించకుండా క్షేత్రస్థాయిలో పర్యవేక్షణ చేపట్టి, సర్వే నంబర్ 230/7Bలో జరుగుతున్న నిర్మాణాలపై సమగ్ర విచారణ నిర్వహించాలని, ప్రభుత్వ భూములను పరిరక్షిస్తూ అక్రమ నిర్మాణాలను నిర్మూలించాలని సంబంధిత ఉన్నతాధికారులను పత్రికల ద్వారా ఆయన కోరారు.