- కొడిమి గ్రామ ఎన్నికల ప్రచారంలో కూటమి సర్పంచ్ అభ్యర్థి తొగట ఆపర్ణ నారాయణస్వామి ప్రజలకు విజ్ఞప్తి
అనంతపురము రూరల్ మేజర్ న్యూస్ :
అనంతపురము రూరల్ మండలం కొడిమి గ్రామపంచాయతీ కూటమి బలపరిచిన సర్పంచ్ అభ్యర్థి తోగట అపర్ణ నారాయణస్వామి గెలుపు కోసం టిడిపి నాయకులు, కార్యకర్తలు ఆదివారం ముమ్మరంగా ఎన్నికల ప్రచారం నిర్వహించారు. ఈ సందర్భంగా ఎన్నికల అధికారులు కేటాయించిన కత్తెర గుర్తుకు, వార్డు సభ్యుల గుర్తులకు ఓటు వేసి గెలిపించాలని ఇంటింటికి తిరుగుతూ కరపత్రాలు పంచుతూ ఓటర్లను అభ్యర్థించారు. ఈ సందర్భంగా అభ్యర్థి తోగుట అపర్ణ నారాయణస్వామి రాష్ట్రంలో కూటమి ప్రభుత్వం అధికారంలో ఉందని, ముఖ్యమంత్రి చంద్రబాబు, డిప్యూటీ ముఖ్యమంత్రి పవన్ కళ్యాణ్, బిజెపి నేతృత్వంలో రాష్ట్రంలో ప్రజల సంక్షేమం కోసం అనేక అభివృద్ధి సంక్షేమ పథకాలను ప్రవేశపెడుతుందని,
ప్రజలకు వివరించారు. గ్రామ అభివృద్ధి చెందాలంటే అధికార పార్టీ అభ్యర్థులను గెలిపించుకోవడం ద్వారానే ప్రభుత్వ, ఎమ్మెల్యేల సహకారంతో నిధులను తీసుకొచ్చి అభివృద్ధి పదంలో నడిపిస్తానని తెలిపారు. గ్రామ అభివృద్ధి కోసం ప్రజలందరూ ఆలోచించి కత్తెర గుర్తుకు ఓటు వేసి గెలిపించాలని విజ్ఞప్తి చేశారు. ఈ కార్యక్రమంలో కూటమి నాయకులు కార్యకర్తలు ప్రజలు తదితరులు పాల్గొన్నారు.