ఆదివాసీ గిరిజన మహిళకు దక్కిన అరుదైన గౌరవం.
*25సంవత్సరాలు తర్వాత జనసేన లో గుర్తింపు.
*మారుమూల ఎతైన కొండల్లో నివసించే మహిళకు అవకాశం.
కొత్తూరు నవంబర్ 20(మేజర్ న్యూస్) ఒడిశా ఆంధ్ర సరిహద్దులో ఎతైన కొండల్లో నివసించే ఆదివాసీ గిరిజన మహిళ నిమ్మల నీలిమ కు జనసేన పార్టీ నుండి అరుదైన గౌరవం దక్కింది. పూర్వపు కొత్తూరు నియోజకవర్గం పరిధిలో గల భామిని మండలం
మనుమకొండ ఆదివాసీ గిరిజన గ్రామానికి చెందిన నిమ్మల నీలిమ పార్వతీపురం మన్యం జిల్లా పరిషత్ చైర్మన్ పదవి చేపట్టడం విశేషం.కూటమి భాగస్వామ్య పార్టీ జనసేన నీలిమ కు జడ్ పి చైర్మన్ పదవికి ఎంపిక చేసింది.
పూర్వపు కొత్తూరు నియోజకవర్గం వర్గం పరిధిలో ఉన్న భామిని మండలం జిల్లాల పునర్విభజన లో పార్వతీపురం మన్యం జిల్లాలో పరిది లోనికి వెళ్లి పోయింది.ఈ నేపథ్యం లో భామిని మండలం మనుముకొండ కు చెందిన నిమ్మల నీలిమ కు ఏకంగా జడ్ పి చైర్మన్ పదవి చేపట్టడం తో వెనుక బడిన భామిని మండల లో ప్రజలు పార్టీలకు అతీతంగా సంతోషం వ్యక్తం చేస్తున్నారు. ఒడిశా కు ఆనుకొని ఉన్న భామిని మండలం అభివృద్ధి లో ఎక్కడివేసిన గొంగళి అక్కడే అన్న చందంగా ఉంది.స్వాతంత్య్రం వచ్చి డబ్బయి ఏళ్లు గడుస్తున్న అభివృద్ధి కనుచూపు మేరలో కన్పించడం లేదు.ఈ మండలం ఒకప్పుడు నక్సల్స్ ఉద్యమం
వలన అభివృద్ధి వెనుక బడి ఉందనే చెప్పవచ్చు. నీలిమ భర్త నిమ్మల నిబ్రం 2001 లో తెలుగుదేశం పార్టీ జడ్పిటిసి గా
ఎన్నికైయ్యారు. 2024 జరిగిన ఎన్నికలు ముందు తెలుగుదేశం నుండి జనసేన లో చేరి చురుకైన నాయకుడు కొనసాగుతున్నారు. మాజీ ఎంపి కురుపాం సంస్థాన దీసుడు వైరి చర్ల కిషోర్ చంద్ర సూర్యనారాయణ దేవ్ మనవడు వైరిచర్ల వీరేష్ చంద్ర దేవ్ పోటీ పడిన జనసేన అధినేత పవన్ కళ్యాణ్ సాధారణ గిరిజన మహిళ కు ప్రాధాన్యత ఇవ్వడం విశేషం.