48వ డివిజన్‌లో విద్యుత్ అంతరాయం యుద్ధప్రాతిపదికన మరమ్మతులు
అనంతపురం బ్యూరో, మేజర్ న్యూస్ : అనంతపురం అర్బన్ ఎమ్మెల్యే దగ్గుబాటి వెంకటేశ్వర ప్రసాద్ ఆదేశాల మేరకు, స్థానిక 48వ డివిజన్‌లో తలెత్తిన విద్యుత్ సమస్యను అధికారులు మరియు ప్రజాప్రతినిధులు తక్షణమే పరిష్కరించారు. గురువారం డివిజన్ పరిధిలోని విద్యుత్ తీగలపై భారీ చెట్ల కొమ్మలు విరిగి పడటంతో కరెంటు సరఫరాకు తీవ్ర అంతరాయం ఏర్పడింది.
విషయం తెలుసుకున్న 48వ డివిజన్ కార్పొరేటర్ చేపల సంగీత, 5వ క్లస్టర్ ఇంచార్జ్ చేపల హరి తక్షణమే స్పందించారు. వెంటనే విద్యుత్ శాఖ (ఎలక్ట్రికల్ డిపార్ట్‌మెంట్) సిబ్బందిని ఘటనా స్థలానికి పిలిపించారు. దగ్గరుండి పర్యవేక్షిస్తూ విరిగిపడిన కొమ్మలను తొలగింపజేసి, తెగిన వైర్లకు యుద్ధప్రాతిపదికన మరమ్మతులు చేయించి విద్యుత్ సరఫరాను పునరుద్ధరింపజేశారు.
సమస్య తలెత్తిన వెంటనే స్పందించి కరెంటు సరఫరాను పునరుద్ధరించడం పట్ల డివిజన్ వాసులు హర్షం వ్యక్తం చేశారు. ఈ మరమ్మతు పనుల పర్యవేక్షణలో డివిజన్ తెలుగుదేశం పార్టీ నాయకులు, కార్యకర్తలు పాల్గొన్నారు.
రిపోర్టర్ : మొయినుద్దిన అనంతపురం బ్యూరో మేజర్ న్యూస్
