21వ రోజుకు చేరిన వీఆర్ఏల నిరవధిక దీక్ష. ఉండి

ఉండి, మేజర్ న్యూస్:ముఖ్యమంత్రి నారా చంద్రబాబు నాయుడు తమ న్యాయమైన సమస్యల పరిష్కారంపై దృష్టి సారించాలని కోరుతూ ఉండి మండల వీఆర్ఏలు మంగళవారం పోస్ట్‌కార్డు ఉద్యమం నిర్వహించారు. ఈ సందర్భంగా తమ న్యాయమైన సమస్యలను పరిష్కరించాలని కోరుతూ పోస్టుకార్డులను అమరావతిలోని సచివాలయానికి పంపించారు. ఈ సందర్భంగా వీఆర్ఏల సంఘం జిల్లా ప్రధాన కార్యదర్శి పతివాడ గోపాలకృష్ణ,  మండల అధ్యక్షులు వై. ప్రసాద్ మాట్లాడుతూ రాష్ట్రవ్యాప్తంగా 20 వేల మందికి పైగా వీఆర్ఏలు తమ న్యాయమైన కోర్కెల సాధన కోసం 21 రోజులుగా సహాయ నిరాకరణ సమ్మె నిర్వహిస్తున్నట్లు తెలిపారు. ఎన్నికల సమయంలో ప్రభుత్వం ఇచ్చిన హామీలను అమలు చేసి వీఆర్ఏల సమస్యలను పరిష్కరించాలని డిమాండ్ చేశారు. వీఆర్ఏల సమస్యలను ప్రభుత్వం వెంటనే పరిష్కరించి, తమ కుటుంబాలకు న్యాయం చేయాలని కోరారు. ముఖ్యమంత్రి తమపై దృష్టి సారించి సమస్యల పరిష్కారానికి తగిన చర్యలు తీసుకోవాలని విజ్ఞప్తి చేశారు. ఈ నేపథ్యంలో ముఖ్యమంత్రి దృష్టిని ఆకర్షించేందుకు పోస్టుకార్డు ఉద్యమం చేపట్టినట్లు తెలిపారు. ఈ కార్యక్రమంలో వీఆర్ఏల సంఘం మండల కార్యదర్శి వి.హరి దుర్గా దేవి  ఉపాధ్యక్షులు పాలా శ్రీనివాసరావు, కోశాధికారి సూరిబాబు, వీఆర్ఏలు గణేష్, గోపాలం, శ్రీమణి మాల, సింహాచలం, ఏసురత్నం, పార్వతీదేవి, ప్రశాంత్, బాలామణి పాల్గొన్నారు.

 రిపోర్టర్. రాజు.ఉండి పశ్చిమ గోదావరి జిల్లా