15 వ వార్డు అభివృద్ధి దిశగా కృషి - కార్పొరేటర్ ఒమ్మి అప్పలరాజు
ఆరిలోవ, నవంబర్ 20, మేజర్ న్యూస్ : జీవీఎంసీ, 15 వ వార్డు సమస్యల పరిష్కార అభివృద్ధి, దిశగా గురువారం 15వ వార్డు కార్పొరేటర్ ఒమ్మి అప్పలరాజు అధికారులతో కలిసి వార్డులో పలు ప్రాంతాల్లో పర్యటించారు.ఈ సందర్భంగా పార్వతి నగర్ కొండ ప్రాంతంలో సపోర్టింగ్ రక్షణ రైలింగ్ నిర్మాణం, అంబేద్కర్ నగర్, ఎస్టీ కాలనీ ప్రాంతాల్లో సీసీ రోడ్ల నిర్మాణం చేపట్టనున్నామని ఆయన తెలిపారు. ఒక ప్రణాళిక పద్ధతిలో వార్డు అభివృద్ధి పనులు చేస్తూ రోడ్లు, త్రాగునీరు, మౌలిక వసతులు కల్పిస్తామని చెప్పారు. పర్యటనలో స్థానికులను అడిగి వారి సమస్యలను తెలుసుకున్నారు. త్రాగునీటి వసతులు మెరుగుపరచాలని, ఇంటి నిర్మాణాలు చేపట్టే వారు తప్పనిసరిగా ఇంకుడు గుంతలకు ప్రాధాన్యత ఇవ్వాలని, ఇంకుడు గుంతల నిర్మాణానికి అధికారులు చర్యలు చేపట్టాలని ప్రజలు ఆయనను కోరారు.ఈ పర్యటనలో సివిల్ వర్క్ ఎ ఈ శ్యామ్, వర్క్ ఇన్స్పెక్టర్ రవి, పారిశుద్ధ్య,మలేరియా విభాగాల ప్రతినిధులు, వార్డు క్లస్టర్ ఇన్చార్జి గాడి సత్యం,నాయకులు రామకృష్ణ, కాఈత గోవింద్, కనకల గురునాయుడు కనకల బంగారునాయుడు,మజ్జి లక్ష్మి, చిన్న, పిట్టా దేవుడు, గుమ్మ విజయ, దువ్వపు లక్ష్మణ్, బసవ దేముడు సచివాలయ సిబ్బంది తదితరులు పాల్గొన్నారు