14వ వార్డులో రావాడ గణపతిరావు ముమ్మర ప్రచారం...
నరసన్నపేట నవంబర్ 20 మేజర్ న్యూస్ : నరసన్నపేట మేజర్ గ్రామపంచాయతీ 14వ వార్డు సభ్యుడిగా పోటీ చేస్తున్న రావాడ గణపతిరావు శుక్రవారం సాయంత్రం వార్డులో ఇంటింటి ప్రచారం నిర్వహించారు.
ఎన్నికల ప్రచారంలో భాగంగా వార్డులోని ప్రతి ఇంటికి వెళ్లి స్థానిక ఓటర్లను కలుసుకున్నారు. 14వ వార్డు సభ్యుడిగా తనకు అవకాశం కల్పించి ఆదరించాలని కోరారు. ఆదివారం స్థానిక మేజర్ పంచాయతీ కార్యాలయంలో నామినేషన్ పత్రాలు దాఖలు చేయనున్నట్లు తెలియజేస్తూ, తన నామినేషన్ కార్యక్రమానికి అందరూ హాజరై విజయవంతం చేయాలని విజ్ఞప్తి చేశారు.
ఈ సందర్భంగా వార్డు ప్రజలతో మమేకమవుతూ వారి ఆదరాభిమానాలను కోరారు. వార్డు అభివృద్ధికి కృషి చేస్తానని తెలిపారు.