విశ్వకర్మ సంఘం ఆధ్వర్యంలో నిరసన ర్యాలీ…

నర్సాపూర్;నర్సాపూర్ మండల పరిధిలోని చిన్నచింతకుంట గ్రామ శివారులో గత వారం రోజుల క్రితం  గుర్తుతెలియని దుండగులు  బ్రహ్మంగారి విగ్రహం ధ్వంసం ఘటనను నిరసిస్తూ శనివారం నర్సాపూర్ పట్టణంలో విశ్వకర్మ సంఘాల ఆధ్వర్యంలో నిర్వహించిన నిరసన ర్యాలీకి మెదక్ జిల్లా కాంగ్రెస్ పార్టీ అధ్యక్షులు ఆంజనేయులు గౌడ్  మద్దతు తెలిపారు.ఈ సందర్భంగా ఆయన మాట్లాడుతూ విగ్రహాన్ని ధ్వంసం చేసిన నిందితులను వెంటనే గుర్తించి అరెస్టు చేయాలని, వారిపై కఠిన చర్యలు తీసుకోవాలని డిమాండ్ చేశారు. ధ్వంసమైన విగ్రహం స్థానంలో నూతన విగ్రహాన్ని తానే ఏర్పాటు చేయిస్తానని హామీ ఇచ్చారు. విశ్వకర్మ సంఘాలకు ఎల్లప్పుడూ అండగా ఉంటామని, ఆలయ నిర్మాణంలోనూ తమ వంతు సహకారం అందిస్తామని తెలిపారు. ఈ కార్యక్రమంలో జిల్లా కాంగ్రెస్ పార్టీ ప్రధాన కార్యదర్శి మేఘమాల, కార్యదర్శి స్వాతి, కాంగ్రెస్ పార్టీ నాయకులు,విశ్వకర్మ సంఘ నాయకులు, కార్యకర్తలు తదితరులు పాల్గొనారు..