విద్యార్థులకు బ్యాగులు, యూనిఫామ్స్ పంపిణీ చేసిన -ఎమ్మెల్యే డా. కూచుకుళ్ల రాజేష్ రెడ్డి

జిల్లా కేంద్రంలోని ప్రభుత్వ బాలుర జూనియర్ కళాశాలలో విద్యార్థులకు బ్యాగులు, యూనిఫామ్స్ పంపిణీ కార్యక్రమం నిర్వహించారు.
ఈ కార్యక్రమంలో ఎమ్మెల్యే డా. కూచుకుళ్ల రాజేష్ రెడ్డి విద్యార్థులకు బ్యాగులు, యూనిఫామ్స్ అందజేశారు. విద్యార్థులు మెరుగైన విద్యను అభ్యసించేందుకు అవసరమైన ప్రోత్సాహం, సహకారం అందించడమే లక్ష్యంగా ఇలాంటి కార్యక్రమాలు చేపడుతున్నట్లు తెలిపారు. విద్యార్థులు కష్టపడి చదివి ఉన్నత స్థాయికి ఎదగాలని ఆకాంక్షించారు.
విద్యార్థుల విద్యాభివృద్ధికి ప్రభుత్వం, ప్రజాప్రతినిధులు అందిస్తున్న సహకారాన్ని సద్వినియోగం చేసుకోవాలని సూచించారు. విద్యార్థులకు అవసరమైన మౌలిక సదుపాయాల కల్పనకు కృషి చేస్తామని పేర్కొన్నారు.
ఈ కార్యక్రమంలో జిల్లా ఇంటర్మీడియట్ విద్యాధికారి జి. వెంకటరమణ, కళాశాల ప్రిన్సిపల్ ఈ. రవి ప్రకాష్, అధ్యాపకులు, కళాశాల సిబ్బంది, మున్సిపల్ చైర్మన్ తీగల సునేందర్, వైస్ చైర్మన్ బాదం రమేష్, జిల్లా యూత్ కాంగ్రెస్ అధ్యక్షుడు వినోద్, పట్టణ కాంగ్రెస్ అధ్యక్షుడు జక్కా రాజు, కౌన్సిలర్లు, కాంగ్రెస్ నాయకులు తదితరులు పాల్గొన్నారు.

సందడి రవీందర్ రెడ్డి,నాగర్‌కర్నూల్,రూరల్, సూర్య న్యూస్