ఉద్రిక్తతగా మారిన మూసీ ప్రాజెక్టు సమావేశం!
బీఆర్ఎస్ నేత కార్తీక్ రెడ్డి అరెస్ట్
గండిపేట , మేజర్ న్యూస్ (అక్టోబర్ 28) :మూసీ ప్రాజెక్టు ప్రభావిత ప్రజలతో రాజేంద్రనగర్‌లోని వాలంటరీ వద్ద ఎంఆర్డీసీఎల్ అధికారులు నిర్వహించిన సంప్రదింపుల సమావేశం ఉద్రిక్తతకు దారితీసింది. సమావేశానికి బాధితులను మాత్రమే అనుమతించడంపై బీఆర్ఎస్ నాయకులు అభ్యంతరం వ్యక్తం చేశారు. సమావేశానికి వెళ్లేందుకు ప్రయత్నించిన బీఆర్ఎస్ శ్రేణులను పోలీసులు అడ్డుకోవడంతో పరిస్థితి ఉద్రిక్తంగా మారింది. ఈ క్రమంలో బీఆర్ఎస్ నేత కార్తీక్ రెడ్డిని అరెస్టు చేసి పోలీస్ స్టేషన్‌కు తరలించారు.
మూసీ ప్రాజెక్టుకు సంబంధించిన వివరాలు, ప్రతిపాదనలను అధికారులు పవర్‌పాయింట్ ప్రజెంటేషన్ ద్వారా బాధితులకు వివరించారు. సమావేశం నేపథ్యంలో ఎలాంటి అవాంఛనీయ ఘటనలు చోటుచేసుకోకుండా పోలీసులు భారీ బందోబస్తు ఏర్పాటు చేశారు. పోలీసుల ఆంక్షలు, బీఆర్ఎస్ నాయకుల అభ్యంతరాలతో రాజేంద్రనగర్‌లో చోటుచేసుకున్న పరిణామాలు స్థానికంగా చర్చనీయాంశమయ్యాయి.
