తుపాను ప్రభావంతో జాతీయ సదస్సు వాయిదా

నగరం, మేజర్ న్యూస్: తుపాను ప్రభావం దృష్ట్యా స్థానిక శ్రీ వెలగపూడి రామకృష్ణ స్మారక కళాశాలలో ఈ నెల 29, 30 తేదీల్లో నిర్వహించాల్సిన “అడ్వాన్స్‌డ్ మెటీరియల్స్ ఇన్ కెమిస్ట్రీ, ఫిజిక్స్ అండ్ నానోటెక్నాలజీ ఫర్ నెక్స్ట్ జనరేషన్స్” అనే జాతీయ సదస్సును వాయిదా వేసినట్లు సదస్సు కన్వీనర్ డాక్టర్ పి. శ్రీనివాసరావు, కళాశాల ప్రిన్సిపాల్ డాక్టర్ అనగాని హరికృష్ణలు తెలిపారు. తుపాను కారణంగా ఏర్పడిన వాతావరణ పరిస్థితులను దృష్టిలో ఉంచుకుని పాల్గొనేవారి భద్రతను దృష్ట్యా ఈ నిర్ణయం తీసుకున్నట్లు వారు పేర్కొన్నారు. సదస్సు నిర్వహించే తదుపరి తేదీలు, పూర్తి షెడ్యూల్‌ను త్వరలో ప్రకటిస్తామని వారు తెలిపారు. పరిశోధకులు, అధ్యాపకులు, విద్యార్థులు ఈ మార్పును గమనించాలని వారు కోరారు.