స్వామీజీ కార్యక్రమానికి మండపం ఏర్పాటు

సూర్య, కాగజ్‌నగర్ : కొమురం భీం ఆసిఫాబాద్ జిల్లా కాగజ్‌నగర్ పట్టణంలోని ఎస్పీఎం క్రీడా మైదానంలో ఈనెల 16వ తేదీ సోమవారం అనంత శ్రీ విభూషిత్ జగద్గురువు రామానందాచార్య శ్రీ నరేంద్రాచార్యజీ స్వామీజీ కార్యక్రమం నిర్వహించనున్నారు. ఈ సందర్భంగా గురువారం మండప నిర్మాణానికి పూజలు నిర్వహించి పనులు ప్రారంభించారు.

ఉదయం 9 గంటల నుంచి సాయంత్రం 6 గంటల వరకు స్వామీజీ కార్యక్రమం కొనసాగుతుందని కమిటీ సభ్యులు తెలిపారు. స్వామీజీ కాగజ్‌నగర్‌కు విచ్చేస్తున్న సందర్భంగా భక్తులు గడపగడపకు వెళ్లి కార్యక్రమంపై ప్రచారం నిర్వహిస్తూ భక్తులను ఆహ్వానిస్తున్నారు.