అయ్యప్ప స్వామి దేవస్థాన అభివృద్ధికి రూ.7 లక్షల విరాళం

ఆమీన్ పూర్ మేజర్ న్యూస్ ;   ఆధ్యాత్మిక కార్యక్రమాలకు, దేవాలయాల అభివృద్ధికి తనవంతు సహకారం అందించడంలో ముందుండే బీఆర్ఎస్ రాష్ట్ర నాయకులు, ఎండీఆర్ ఫౌండేషన్ కో-ఫౌండర్ మాద్రి పృథ్వీరాజ్ మరోసారి తన దాతృత్వాన్ని చాటుకున్నారు. పటాన్‌చెరు నియోజకవర్గం అమీన్‌పూర్ పరిధిలోని బీరంగూడలో నిర్మాణంలో ఉన్న శ్రీశ్రీశ్రీ అయ్యప్ప స్వామి దేవస్థాన అభివృద్ధికి రూ.7,00,116 (ఏడు లక్షల నూట పదహారు రూపాయలు) భారీ విరాళాన్ని అందజేశారు.ఈ నెల 22న నిర్వహించనున్న శ్రీశ్రీశ్రీ అయ్యప్ప స్వామి వారి విగ్రహ ప్రతిష్ఠా మహోత్సవాన్ని పురస్కరించుకుని పృథ్వీరాజ్ దేవస్థానాన్ని సందర్శించారు. ఈ సందర్భంగా ఆలయ కమిటీ సభ్యులతో సమావేశమై దేవస్థాన నిర్మాణ పనులు, అభివృద్ధి కార్యక్రమాలు, ప్రతిష్ఠా మహోత్సవ ఏర్పాట్ల వివరాలను అడిగి తెలుసుకున్నారు.అనంతరం దేవస్థానంలో ద్వారపాలకుల మండపం నిర్మాణం కోసం రూ.7,00,116 విరాళాన్ని ఆలయ కమిటీ సభ్యులకు అందజేశారు. దేవస్థాన అభివృద్ధి కార్యక్రమాల్లో భాగస్వామ్యం కావడం తనకు ఎంతో సంతోషంగా ఉందని పేర్కొన్నారు.ఈ సందర్భంగా ఆయన మాట్లాడుతూ.. భారతీయ సంస్కృతి, సంప్రదాయాలు, ఆధ్యాత్మిక విలువలకు దేవాలయాలు ప్రతీకలని అన్నారు. దేవాలయాలు కేవలం ప్రార్థనా మందిరాలే కాకుండా భక్తి, ఐక్యత, సేవాభావం, సామాజిక సమైక్యతను పెంపొందించే పవిత్ర కేంద్రాలని వివరించారు. దేవాలయాల పరిరక్షణ, అభివృద్ధి ప్రతి ఒక్కరి సామాజిక బాధ్యతగా భావించాలని, ధార్మిక, ఆధ్యాత్మిక కార్యక్రమాలకు భక్తులు, దాతలు తమవంతు సహకారం అందించాలని పిలుపునిచ్చారు. భవిష్యత్తులోనూ దేవాలయాల అభివృద్ధికి, సేవా కార్యక్రమాలకు తన సహకారం కొనసాగిస్తానని తెలిపారు.

పృథ్వీరాజ్‌కు ఆలయ కమిటీ ఘన సన్మానం..

దేవస్థాన అభివృద్ధికి ఉదారంగా రూ.7,00,116 విరాళం అందించిన మాద్రి పృథ్వీరాజ్‌ను ఆలయ కమిటీ సభ్యులు శాలువాతో ఘనంగా సత్కరించారు. ఆయన అందించిన విరాళం దేవస్థాన అభివృద్ధి పనులకు ఎంతో ఉపయోగపడుతుందని కృతజ్ఞతలు తెలిపారు.ఈ కార్యక్రమంలో ఆలయ కమిటీ సభ్యులు, స్థానిక నాయకులు, ప్రముఖులు, అయ్యప్ప స్వామి భక్తులు, ఎంఆర్‌పీఆర్ యువసేన సభ్యులు తదితరులు పాల్గొన్నారు.