సింగారంలో ఘనంగా మా ఇందిరమ్మ ఇంట్లో దీపావళి వేడుకలు

సింగారంలో ఘనంగా మా ఇందిరమ్మ ఇంట్లో దీపావళి వేడుకలు

మునుగోడు,మేజర్ న్యూస్:రాష్ట్ర ప్రభుత్వం ఆదేశాల మేరకు మా ఇందిరమ్మ ఇంట్లో దీపావళి వేడుకలు సంబరాలను ఆదివారం మండలంలోని సింగారం గ్రామంలో ఘనంగా నిర్వహించారు.మొదటి విడతలో ఇందిరమ్మ ఇల్లు మంజూరు అయిన , గ్రామానికి చెందిన బుడిగ ధనలక్ష్మి శివలింగం ఇంట్లో ఘనంగా జరుపుకున్నారు. ఈ సందర్బంగా దీపాలు వెలిగించి శివలింగం కుటుంబీకులకు గ్రామ పెద్దలు శుభాకాంక్షలు తెలియజేశారు. తాము నూతన ఇల్లు నిర్మించుకునేందుకు ఇందిరమ్మ ఇల్లు మంజూరు చేసిన ప్రజా ప్రభుత్వానికి, సహకరించిన అధికారులకు, గ్రామ నాయకులకు శివలింగం కుటుంబీకులు కృతజ్ఞతలు తెలియజేశారు. ఈ కార్యక్రమంలో గ్రామ సర్పంచ్ కుంభం ఆండాలు రవీందర్ రెడ్డి, ఉప సర్పంచ్ ఉప్పునూతల వెంకటేశ్వర్లు,పంచాయితీ కార్యదర్శి కట్టా గీత, వార్డు సభ్యులు గుర్రాల సురేష్ , పిట్టల శ్రావణ్ కుమార్ , గుర్రాల సుమలత, ఉప్పునూతల శ్రీశైలం, తదితరులు పాల్గొన్నారు.

కె ఇంద్రసేనారెడ్డి మేజర్ న్యూస్ మునుగోడు,నాల్గొండ జిల్లా