పెద్దకల్వలలో ఘనంగా సీఎం, ప్రభుత్వ విప్ ఎమ్మెల్యే జన్మదిన వేడుకలు

సూర్య - పెద్దపల్లి రూరల్ : మండలంలోని పెద్దకల్వల గ్రామంలో ముఖ్యమంత్రి రేవంత్ రెడ్డి, ప్రభుత్వ విప్, పెద్దపల్లి ఎమ్మెల్యే చింతకుంట విజయరమణారావు జన్మదిన వేడుకలను కాంగ్రెస్ నాయకులు, కార్యకర్తలు ఘనంగా నిర్వహించారు. ఈ సందర్భంగా గ్రామంలో పండుగ వాతావరణం నెలకొంది. నాయకులు, కార్యకర్తలు ఒకచోట చేరి కేక్ కట్ చేసి పరస్పరం శుభాకాంక్షలు తెలియజేసుకున్నారు. అనంతరం గ్రామ ప్రజలకు, కార్యకర్తలకు స్వీట్లు పంపిణీ చేసి తమ అభిమానాన్ని చాటుకున్నారు. ఈ సందర్భంగా నాయకులు మాట్లాడుతూ ముఖ్యమంత్రి రేవంత్ రెడ్డి నాయకత్వంలో రాష్ట్ర ప్రభుత్వం ప్రజా సంక్షేమం, అభివృద్ధి లక్ష్యంగా ముందుకు సాగుతోందని పేర్కొన్నారు. అదేవిధంగా ప్రభుత్వ విప్, ఎమ్మెల్యే చింతకుంట విజయరమణారావు నియోజకవర్గ అభివృద్ధికి నిరంతరం కృషి చేస్తున్నారని కొనియాడారు. ఆయన మరిన్ని ఉన్నత పదవులు అధిరోహిస్తూ ప్రజలకు సేవలందించాలని ఆకాంక్షించారు.
ఈ కార్యక్రమంలో మాజీ సర్పంచ్ లు కారెంగుల రమేష్, శ్రీనివాస్, మాజీ ఉపసర్పంచ్ అర్కుటి సంతోష్, వార్డు సభ్యులు చెవుల తిరుపతి, కళ్యాణ్ కాంగ్రెస్ సీనియర్ నాయకులు ఓడ్నాల రమేష్, దేవనంది సదయ్య, సలేంద్ర రవి, పర్ శంకరయ్య , కోట మధునయ్య, ఉప్పు సతీష్, ఉప్పు శ్రీనివాస్స,దయ్య, కార్యకర్తలు తదితరులు పాల్గొన్నారు.