శ్రీ మడేలేశ్వర స్వామి విగ్రహ ప్రతిష్టలో పాల్గొన్న మాజీ ఎమ్మెల్యే సుంకె రవిశంకర్
సూర్య..బోయినపల్లి మండలం రత్నంపేట గ్రామంలో రజక కులస్తులు ఏర్పాటుచేసిన శ్రీ మడేలేశ్వర స్వామి విగ్రహ ప్రతిష్ట మహోత్సవం ఘనంగా జరిగింది.
ఈ కార్యక్రమానికి చొప్పదండి మాజీ శాసనసభ్యులు సుంకె రవిశంకర్ ముఖ్య అతిథిగా హాజరయ్యారు. స్థానిక బీఆర్ఎస్ నాయకులతో కలిసి విగ్రహ ప్రతిష్ట కార్యక్రమంలో పాల్గొన్నారు.
ఈ సందర్భంగా రజక సంఘం నాయకులు సుంకె రవిశంకర్ ను శాలువాతో సత్కరించి ఘనంగా స్వాగతం పలికారు. వేద పండితులు ఆశీర్వదించారు.
అనంతరం రవిశంకర్ మాట్లాడుతూ, శ్రీ మడేలయ్య స్వామి విగ్రహ ప్రతిష్ట వంటి మహోన్నతమైన కార్యక్రమానికి తనను ఆహ్వానించడం పట్ల సంతోషం వ్యక్తం చేశారు. స్వామివారి ఆశీస్సులు నియోజకవర్గంలోని అన్ని వర్గాల ప్రజలపై ఉండాలని కోరుకున్నారు.ఈ కార్యక్రమంలో బీఆర్ఎస్ మాజీ మండల అధ్యక్షులు కత్తెరపాక కొండయ్య, మాజీ మండల కో ఆప్షన్ సభ్యులు మహ్మద్ అజ్జూ, బీఆర్ఎస్ మండల ప్రధాన కార్యదర్శి గుంటి శంకర్, యూత్ నాయకులు గిరిజాల కోటి, పూర్ణచందర్ తదితరులు పాల్గొన్నారు.