సీతారాంబాగ్ రామ్‌ మైదానంలో ఉద్రిక్తత..

హైదరాబాద్, సూర్య ప్రతినిధి :నగరంలోని సీతారాంబాగ్ రామ్‌ మైదానంలో విజయదశమి వేడుకల సందర్భంగా తీవ్ర ఉద్రిక్తత చోటుచేసుకుంది. దసరా సందర్భంగా బీఆర్ఎస్ నేతలు తెలంగాణ ముఖ్యమంత్రి శ్రీ ఎ. రేవంత్ రెడ్డిని రావణాసురుడిగా పోల్చుతూ మైదానంలో ఒక కటౌట్‌ను ఏర్పాటు చేశారు. ఈ విషయం తెలుసుకున్న టీపీసీసీ నేత మెట్టు సాయికుమార్ తన అనుచరులతో కలిసి వెంటనే అక్కడకు చేరుకుని ఆ కటౌట్‌ను తొలగించారు.

దీంతో అక్కడ కాంగ్రెస్, బీఆర్ఎస్ వర్గాల మధ్య తీవ్ర వాగ్వాదం జరిగి గొడవ చెలరేగింది. సమాచారం అందుకున్న పోలీసులు వెంటనే రంగంలోకి దిగి పరిస్థితిని అదుపులోకి తెచ్చారు. ఘర్షణకు పాల్పడిన పలువురు బీఆర్ఎస్ కార్యకర్తలను అదుపులోకి తీసుకుని పోలీస్ స్టేషన్‌కు తరలించారు. ఈ ఘటనతో మైదానంలో కొంతసేపు ఉద్రిక్త వాతావరణం నెలకొంది.