యాదాద్రి థర్మల్ పవర్ ప్లాంట్‌లో మరో కీలక ఘట్టం: 5వ యూనిట్ ట్రయల్ రన్ విజయవంతం

నల్లగొండ, సూర్య ప్రతినిధి :నల్లగొండ జిల్లాలోని యాదాద్రి థర్మల్ పవర్ ప్లాంట్‌లో మరో మైలురాయి ఆవిష్కృతమైంది. ఈ ప్రాజెక్ట్‌లో భాగంగా ఐదో (5వ) యూనిట్ ట్రయల్ రన్‌ను అధికారులు విజయవంతంగా పూర్తి చేశారు.

రాష్ట్రంలో విద్యుత్ రంగాన్ని మరింత పటిష్టం చేసి, భవిష్యత్తు అవసరాలకు తగినట్లుగా నిరంతరం విద్యుత్ సరఫరా అందించాలనే లక్ష్యంతో ఈ ప్లాంట్‌ను అత్యాధునిక హంగులతో నిర్మిస్తున్నారు. తాజా ట్రయల్ రన్ సక్సెస్ కావడంతో, మొత్తం 4 వేల మెగావాట్ల విద్యుత్ ఉత్పత్తిని సాధించే దిశగా యాదాద్రి థర్మల్ పవర్ ప్లాంట్ మరో అడుగు ముందుకు వేసింది. ఈ యూనిట్ త్వరలోనే పూర్తిస్థాయిలో అందుబాటులోకి వస్తుందని అధికారులు అంచనా వేస్తున్నారు.